Mayıs ayınıñ 2-sinde saba maalinde Mariupolnıñ sakinleriniñ tahliyesi başladı. Svoboda radiosınıñ canlı yayınında bunı şeer başınıñ mesleatçısı Petro Andrüşçenko bildirdi.

Onıñ malümatına köre, tahliye avtobusları Mariupoldan çıqtı. Evelden añlaşmağa mücibi, olar Manğuş qasabasından ve bundan soñ Berdânsktan insanlarnı alacaq. Bu stunuğa öz naqliyatınen ketken vatandaşlar da qatıla bilir.

Deyerli tahliyeniñ açılğana qadar, rus askerleri “Azovstal” zavıdını gece maallerinde ateşke tuta ediler. Faqat, sabağa qadar ateşler yavaş yavaş toqtatıldı ve insanlarnıñ telükesiz bir şekilde tahliye ete bilecekleri ümüdimiz bar.

“Ümüt etemiz ki, Mariupoldan Zaporijjâğa yolda mecburen qalğan – işgalciler tarafından izin berilmegeni içün – biñlerce mariupollı bugün aqşam ya da yarın saba Zaporijjâda olacaqlar”, – dep Andrüşçenko ümüdini bildirdi.

Hatırlatamız ki, mayıs ayınıñ 1-inde ukrtain akimiyetiniñ ğayretlerinen mariupol “Azovstal” zavodınıñ toprağından yüzden ziyade qadın, bala ve yaşlı tahliye etildi.

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk qayd etti ki, Mariupoldaki gumanitar operatsiyası, maqsadına irişecegine qadar devam etecektir.