Bugün Nazirler Kabineti, yatırım leyhalarını yerine ketirmek içün Ukrainağa imtiyazlı kreditni berüv aqqında ükümetler arası añlaşmağa deñişmeler kirsetken Ukraina Ükümeti ve Lehistan Cumhuriyeti Ükümeti arasında bir protokol tasdıqladı.

2015 senesi 100 mln yevrolıq ilk kredit añlaşması imzalandı. Bugün ondan 40 milliondan ziyade yevro qullanıldı.

Bugünki deñişmeler kredit miqdarınıñ 100 milliondan 160 millionğa çoqlaşamasını esapqa alır. İlâve para, sıñır yol astyapısını yañıdan quruv ve ukrai-leh sıñırında keçit noqtaslarını tiklev leyhalarını ödemek içün üleştirilecek.

Hatırlatamız ki, 2022 senesi sentâbr ayında Ukraina vitse baş naziri İrına Vereşçuknıñ başdeşliginen İqtisadiy işdeşlik meseleleri ukrain-leh ükümetler arası eyyetniñ oturışı keçirildi. Eyyetniñ işiniñ neticesi, kreditniñ miqdarını arttırmaq ve Protokolda qayd etilgen başqa deñişmeler oldı.

«Böyle zor zamanlarda Lehistan Ükümetine, Ukrainanı küçlü destek etmesi içün teşekkür bildirem. Keçenlerdeki añlaşmalar – Ukrainanıñ Avropa Birliginiñ tek iqtisadiy boşluğuna intfegratsiyasına daa bir adımdır. Lehistan, Ukraina içün logistika ve iqtisadiyat habı organını daa bir kere köstere. Çünki sıñır astyapısını yañıdan qurmaq, naqliyat ağını yahşılaştırmaq – birinciden Ukrainanıñ ABnen ticaret munasebetlerini yahşılaştırmaqtır. Orta sıñırnen beraber orta kelecegimizni de quracaqmız», – dep vitse baş nazir İrına Vereşçuk qayd etti.