Tünevin Harkivni iş ziyareti çerçivesinde vitse baş nazir İrına Vereşçuk halqara teşkilâtlarnıñ vekillerinen oturış keçirdi.

Oturışta Harkiv şeeriniñ başı İhor Terehov, Harkiv VAMniñ başınıñ muavinleri Yevhen İvanov ve Vita Kovalska ve göñülliler iştirak ettiler.

Oturışnıñ iştirakçileri, Harkiv vilâyetindeki buhran qarşılığı, gumanitar ihtiyaclar ve olarnı qanaatlendirüv imkânlarını muzakere ettiler. Şu cümleden, qızdıruv mevsimine azırlanuv, Harkiv vilâyetiniñ ealisini aşaytnen temin etüv ve yaşayış teminatınen bağlı başqa tedbirlerni keçirüv meseleleri aqqında laf ettiler.

İrına Vereşçuk, mezkür ihtiyaclarğa qarşılıq kösterüv planını tüşünip çıqarmağa halqara ortaqlarğa qatılmağa teklif etti. Planda tahliye etecek ve Harkiv vilâyetinde qalacaqlarğa yardım qayd etilmedi.

Halqara ortaqlarğa öz tekliflerini azırlamağa ve bu bölgeniñ ealisiniñ gumanitar ihtiyaclarını temin etmek içün öz imkânlarını tesbit etmege teklif ettiler.

«Biz bölgege çağıruvdan yaşamağa yardım etmelimiz. Anda yaşağan insanlar, bizim destegimizge ihtiyac duyalar. Bunıñ içün er kesni, Harkiv vilâyetiniñ yaşayış taminatı meselelerini al etmege qatılmağa çağıram. Bizim halqara ortaqlarımıznıñ yardımına pek çoq işanam. Ülkemiz içün ayrıca bu qadar zor vaqıtta ukrainalılar oña pek çoq ihtiyac duyalar. Men enimim ki, ğayretlerimizni birleştirip, biz mıtlaqa ğalebe qazanacaqmız ve tüm manialarnı yoq etecekmiz», – dep İrına Vereşçuk qayd etti.