Vitse baş nazir İrına Vereşçuknıñ başlığınen Cenkiy vaziyet şartlarında ealiniñ zoraki tahliyesini keçirüv meseleleri idare ştabınıñ oturışında bu aqqında laf ettiler. Mayıs ayınıñ 15. künü Harkiv şeerinde oturış keçti.

Bütün uyğun alâqa vastalarınen ealige haber bereler. Telükeli meskün yerlerde qalğan insanlar aqqında bilgilerni er vaqıt toplaylar. Em telükesiz bölgelerge tahliye etkenlerniñ sayısı ve katerogiyaları aqqında da bilgilerni toplaylar. Şu cümleden, şahsiy maşnanen ya da göñülli teşkilâtlarnıñ yardımınen.

Umumen tahliye tedbirlerinde eñ az 500 insan iştirak ete. İnsanlarnı telükeli bölgelerden tahliye etmek içün göñülliler, eñ az 50 maşna qullanalar. Şu cümleden, az mobil olğan insanlarnı tahliye etmek içün 19 mahsus maşna qullanalar. Bundan ğayrı, Milliy polis ve DFVHniñ mahsus tehnikası qullanıldı.

Harkiv şeerindeki gumanitar hubda insanlarğa ilk tibbiy ve ruhiy yardım eteler, aş ve vaqtınca yaşayış yerini bereler. Bundan soñ tahliye olunğan insanlarğa, Harkiv şeeriniñ oquv yurtlarınıñ yataqhaneleriniñ esasında teşkil etilgen vaqtınca yaşayış yerlerini teklif eteler.

Vitse baş nazir, abiy areketler devam etken sıñırğa yaqın rayonlardan Harkiv şeerinde tınç yaşağan ealini tahliye etmege yardım etken er keske teşekkür bildirdi.