Ukraina Mudafaa nazirliginiñ Baş istihbarat idaresiniñ “Cenk ve sanktsiyalar” mahsus saytında “Balarnıñ hırsızları” ayrı bölügi bar. Bu bölükte ukrain balalarınıñ sürgünligine ait olğan insanlar cedveli bar, dep saytnıñ saifesinde bu aqqında haber berdiler.

Şimdi anda ukrain balalarınıñ Ukrainanıñ vaqtıca işğal etilgen topraqlarından qanunsız olaraq sürgünligi aqqında qarar alğan rusiye ve belarustan eñ az 200 memur aqqında malümat toplandı. Bundan ğayrı, sürgünlik ceryanında iştirak etken “yañıdan terbiye etici” gençlik teşkilâtları, rusiye oquv ve medeniyet yurtlarınıñ iştirakçileri aqqında malümat toplandı.

Portalnıñ bölüginde balalarnıñ sürgünligine ait olğan ve bugüngece identifikatsiya etilgen er bir insan aqqında malümat, haberlerge bağlantılar, bu tür insanlarğa qarşı sanktisyalarnıñ olıp-olmağanı aqqında malümat bar. Bundan ğayrı, anda balalarnıñ srgünligini tasdıqlağan vesiqalarnıñ kopiyaları bar.

Dava tezce açmaq ve taqiqat etmek, qabaatlılarnı mesüliyetke çekmek içün portaldan malümat qullanıla bilir.

Portalnıñ başqa bölükleri de bar, er bir insan Ukrainağa qarşı tecavuzı sebebinden rusiyege qarşı kirsetilgen sanktsiyalar aqqında oquy bile.

Bağlantığa basıp, portal qullanmaq ve  “Balalarnıñ hızsırları” bölügini ziyaret etmek mümkün.