Qaçaqlar nasıl devlet yardımını ala bilirler, DAK malümatnamesini qayda resmiyleştirmek mümkün, tahliyeniñ telükesiz marşrutları aqqında ne yerden ögrenmek mümkün? – bu ve çoq diger artual meselelernen er kün Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Buhran merkeziniñ mütehassıslarına muracaat olunır.

Er kün vatandaşlarnıñ 200den ziyade hitabı işlenir – tamam bu sayını er kün “Reintegratsiya nazirliginiñ buhran meseleleri sıcaq hattı” alır.

Böylece, aprel ayında 5 600 vatandaş muracaat etti. Çoqusı Zaporijjâ, Donetsk ve Herson vilâyetlerinden kele edi.

“Sıcaq hatqa” telefon etkenleri eñ aktual sualler arasında: gumanitar koridorlarnıñ çalışması, gumanitar yardımnıñ alınması, devlet içinde alınğan kişi statusı malümatnamesiniñ alınması ve faal arbiy areketler devam etken topraqlardan çıqmaq içün telükesiz marşrutlar.

Mezkür meselelerge operativ qarşılıq kösterme, yardımğa ihtiyac duyğan eali arasında içtimaiy kerginlikbi azaltmağa ve olarnıñ daa çözülmesi içün devlet organlarınıñ areketlerini koordinatsiya etmege yardım ete.

“Reintegratsiya nazirliginiñ buhran meseleleri sıcaq hattınıñ” + 38044 355 14 78 (24 saat) ve 0 800 750 107 nomerlarınen gece-kündüz işlegenini hatırlatamız.