Böyle bir raqam Ukraina vitse baş naziri İrına Vereşçuknen Ukrainadaki Halqara migratsiya teşkilâtınıñ (HMT) temsilciliginiñ yolbaşçısı Alessia Skiavon arasında olıp keçken iş körüşüvinde bildirildi.

 

ReNazirligi, HMT ve “Ukrpoşta” AT tarafından vaqtınca işğal etilgen topraqlardan Kolotılovka – Pokrovka, Mokranı – Domanove keçiş noqtalarından ya da Ukrainanıñ cebege yaqın topraqlarından tahliye treni ve avtobuslarınen çıqqan ukrainlerge para yardımınıñ leyhasınıñ neticelerini muzakere ettiler.

 

Olar, er birine 3600 grivna bir kerelik ödeme aqqında ayttılar. HMT onı Donetsk (Pokrovsk), Zaporijjâ, Herson ve Sumı vilâyetlerinden ReNazirligi tarafından teşkil etilgen tahliye marşrutlarınıñ yolcularına berdi.

 

Yardım Lviv, Kıyiv, Dnipropetrovsk, Hmelnıtskıy, Poltava, Odesa, Rivne, Jıtomir, Zakarpattâ ve Volın vilâyetleriniñ stantsiyalarında milliy poçta operatorı “Ukrpoşta” AT vastasınen ödene edi.

 

Halqara ortaqlar leyhasına qatılğan soñ (2023 senesi ilk qış ayınıñ 10-dan 2024 senesi mayıs 25-ne qadar) 16 biñden ziyade insan 59 million grivna miqdarında maddiy yardım aldı.

 

«Biz añlaymız ki, cebe yanındaki topraqlardan ya da VİETdan çıqqan ukrainalılar er şeyni ğayıp eteler. Bu pek ağır bir sınav. Bunıñ içün, bizim umumiy ğayretimiz, olarnıñ ihtiyaclarını qanaatledire bilecek yardımnı ala bileceklerini elde etmeknen bağlı edi», – dep Alessia Skiavon qayd etti.

 

«Halqara ortaqlarımızğa bu qıyın vaqıtlarda ukrainlerge pek kerek olğan leyhalar içün minnetdarım. Eminim ki, gumanitar yardım saasında işdeşligimiz devam etmekten ğayrı, ukrainlerniñ menfaatı içün daa da küçlü olacaq», – dep İrına Vereşçuk hulâsa çıqardı.