2024 senesiniñ başından berli “İrişilir kreditler 5-7-9%” devlet programması çerçivesinde iş adamları 45,4 milliard grivnağa 11 944 kredit aldı. Ükümet portalı bu aqqında haber berdi.

 

Umumen cenk vaziyeti vaqtında Ukrainada 222,7 milliard grivnağa 56 086 kredit berildi. Şu cümleden:

 

• 20,33 milliard grivna – yatırım maqsatlarına;

 

• 62,03 milliard grivna – iş sermiyasını maliye etmek içün;

 

• 38,86 milliard grivna – köy hocalığınıñ mahsulatınıñ istisalcılarına berilgen kreditler;

 

• 16,58 milliard grivna – köy hocalığınıñ mahsulatınıñ işlenüvine;

 

• 57,35 milliard grivna – cenkke qarşı maqsatlarğa;

 

• 14,28 milliard grivna – yüksek arbiy telükeli olğan yerde berilgen kredit.

 

“İrişilir kreditler 5-7-9%” programması 45 banknıñ iştirakinen yerine ketirile. Devlet, Programma çerçivesinde tizilgen kredit añlaşmaları üzerinde biznes içün tazminat ödemelerini temin etmege devam ete.

 

Umumen 2020 senesi kiçik ayda programma başlağanından berli 312,3 milliard grivna miqdarında 90 908 kredit añlaşması imzalandı.

 

Hatırlatamız ki, 2023 senesi ReNazirliginiñ teşebbüsinen “İrişilir kreditler 5-7-9%” devlet programması, cenk areketleri ve işğalden azat etilgen topraqlardaki iş adamları içün çalışıp başladı.