Bir künde Severodonetsk sekiz topçu ateşine dayandı. Dün gece şeerniñ eski rayonlarındaki üç ev zarar kördi. Kün maalinde ise eki çoq qatlı evge ve anbar binasına top mermirleri çarptı.

Bahtına, dairelerden birinde mühimmat patlamadı. Pirotehnikacılar onı zararsız bir alğa ketirdiler. Viranelerden üç insan çıqarıldı… Lugansk vilâyetiniñ cebege yaqın meskün yerleriniñ sakinleri, soñ eki buçuq aydır er kün bu tür vaqialarnı yaşaylar. Vilâyeti, imkânlarınıñ sıñırında tuta.

Mayıs ayınıñ 3-ünden itibarınen

LUGANSK VİLÂYETİ

Tünevin ruslar, vilâyetiniñ mesken massivlerini 25 kere ateşke tuttı. Eñ çoq – Severodonetskni, Rubijneni, Popasnanı, Ğirske cemaatını. Bugün ise Vrubivtsini, Orihoveni, Zoloteni ve Ğirskeni.

Tulumba stantsiyaları, kollektorları bozulğanı ve astyaoı obyektleri elektriksiz qalğanı içün tüm meskün yerlerde merkezleştirilgen suv teminatı yoq. Gumanitar ştablar ve FVDH içilir suv ketirirler. Ya da benzin ve elektrik generatorı olsa, araçıq işletilir. Misal içün, tünevin qurtarıcılar evlerge, sığınaqlarğa ve mağazlarğa 20 tonna suv ketirdiler. Severodonetskte eñ zor vaziyet. Şeerde muntazam tarzda ketken tek bir saqa işley.

Elektrik ve gaz teminatınen vaziyet te daa yahşı olmay. Şu anda vilâyetiniñ 42 meskün yeri (29-ı tamamınen ve 13-ü qısmen) elektriksiz qaldı. Umumen bu, 99,3 biñ qullanıcı. Tüm vilâyet, altı meskün yerinden ğayrı, gazsız. Umumen 45,3 biñ abune.

Viran etilgen evler ve astyapı saylanmaz. Keçken kün tecavuzcılar Severodonetskte 5, Ğirske cemaatında eñ az 12, Orihovede 10, Zolotede ise 2 ev bozdılar. Faqat dos-doğru sayısı belli degil: rus tecavuzcıları 24 saat devamında meskün yerlerni ücüm eteler.

Parlaq bir sızıq. Bölgesiniñ ve sakinleriniñ tarihını saqlamaq içün vilâyet arbiy memuriyeti, Lugansk milliy arhiv fondunıñ deyerli tüm vesiqalarını tahliye etmege qarar berdi. Tüm metrika kütapları, tevbe hatıraları, grajdan alnıñ devlet qaydı kitapları vb. qurtarıldı.

Olarnı qurtarmaq içün pek çoq ğayret ve resurs qullanıldı, askerler ve politsiya, göñülliler de qatıldı. Tahliye, şiddetli ateşler astında zor alda keçirildi.

Diqqatıñıznı celp etemiz! Dercde Lugansk VAMniñ resmiy Facebbok saifesinden ve Lugansk viâyet arbiy memuriyetiniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden Harkiv vilâyetiniñ viran etilgen ya da bozulğan evleriniñ ve astyapısınıñ sayısını esaplamaq şu anda imkânsız qalır.