Veteranlar ve olarnıñ qorantalarınıñ azalarına mesken satın almalarıı içün Nazirler Kabineti 5,7 milliard grivna miqdarında para tazminatınıñ berilmesini tasdıqladı. Ükümet portalında bu aqqında haber berdiler.

 

2024 senesine Veteranlar nazirliginiñ üç bücet programması üzerinde para ayırıldı.

 

Bunıñ yardımınen, bu sene tahminen 2500 adam mesken tazminatını alacaq.

 

Ev satın aluvına maliye yardımını aşaıdaki adamlar ala bileler:

 

• Ukrainanıñ mustaqilligi, suvereniteti ve topraq bütünligini qorçalağan ve cenk neticesinde I-II gruppalarnıñ saqatı olğan şahıslar, ve elâk olğanlarnıñ (ölgenlerniñ) qorantalarınıñ azaları;

 

• başqa devletlerniñ toprağında cenk areketlerinde iştirak etken cenk neticesinde I-II gruppalarnıñ saqatı olğan şahıslar, ve elâk olğan (ölgen) veteranlarnıñ aileleriniñ azaları;

 

• ATO/OOSta iştirak etken ve cenk areketleriniñ iştirakçileri ya da cenk neticesinde III gruppanıñ saqatı tanılğan DAK.

 

Vilâyet akimiyeti, mesken satın almaları içün para tazminatınıñ kerekligi aqqında malümat berdi. Eñ yaqın vaqıtta yerli idareciler para tazminatını saiplerniñ mahsus esaplarına yollaycaqlar.

 

Para berilecek soñ, askerler ve elâk olğanlarnıñ qorantalarını azaları özleri satın alacaq evni saylaylar. O, em ekinci, em de birincil bazarda ola bile, eger o, işke tüşürilgen olsa.