![](https://minre.gov.ua/wp-content/uploads/2024/07/img_0326.jpeg)
Avropa Şurasınıñ Ukrainadaki Ofisiniñ desteginen, Ukraina Yuqarı Şurasınıñ insan aqları temsilcisiniñ kâtibiyeti Kontseptsıyanıñ açıq taqdimini teşkil etti. Tedbir vaqtında Kontseptsıyanıñ esas maddeleri ve onı amelge ketirüv yolları muzakere etildi.
Tedbirge vaqtınca işğal etilgen topraqlarnıñ reintegratsiya meseleleri naziriniñ muavini Anatoliy Stelmah qoşuldı. O, teşkilâtçılarğa davet etkeni içün, Ukraina Yuqarı Şurasınıñ insan aqları temsiclisi Dmıtro Lubinetske ise — Kontseptsıyanıñ işlep çıqarılmasında yetekçilik etkeni içün teşekkür bildirdi.
Memur, Rusiye Federatsiyasınıñ istilâsından zarar körgen insanlarğa qoltutuv ve qoruv üzerinde ReNazirligi ve Ombudsmannıñ Ofisi arasında işbirlik içün minnetdarlığını bildirdi. Şu cümleden:
• esir alınğanlar;
- devşet içinde alınğan kişiler;
- vaqtınca işğal etilgen topraqlarda yaşağan Ukraina vatandaşları ve çetelde sığınaq istegen ukrainalılar;
- qanunsız sürgün etilgen ukrainalılar, şu cümleden qanunsız sürgün etilgen ukrain balaları.
Anatoliy Stelmah qayd etti ki, olarnıñ arasında aryıca balalar (hususan statuslı balalar), qartlar ve saqatlar telükede bulunalar.
Öz çıqışında o qayd etti ki, vatandaşlarnıñ bütün bu kategoriyaları devletten qoruv ve destekke muhtaclar. Bu, şübesiz ki, uquqiy temel ve institutsiya astyapısınıñ inkişafını talap ete.
“Vitse baş nazir İrına Vereşçuk ve ReNazirligi adından, Konsteptsıyanı işlep çıqarmaq içün Ombudsman ve Avropa Şurası taqımlarına teşekkürler bildirem. Bu pek kerekli ve vaqıtında yapılacaq bir iş”, — dep Anatoliy Stelmah hulâsa çıqardı.