Bu, ReNazirliginiñ teşebbüsinen, Halqara migratsiya teşkilâtınıñ (HMT) maliyeviy desteginen ve “Ukrpoşta” ATnen işbirliginen ömürge keçirilgen gumanitar leyhanıñ neticesi oldı.

Leyhağa köre, er adamğa 3600 grivna miqdarında bir kerelik yardım berilecek edi. Onı vaqtınca işğal etilgen topraqlardan Kolotılivka — Pokrovka ve Mokranı — Domanove keçit noqtalarından çıqqan ukrainalılar ala ediler. Ya da cebege yanındaki meskün yerlerden tahliye marşrutlarınen tahliye etilgenler mezkür para aldı.

Leyha tahliye etilgen ealige maliyeviy yardım köstermek içün semereli bir mehanizm oldı. Onıñ müddeti devamında (2023 senesi ilk qış ayının 10-ndan 2024 senesi oraq ayınıñ 6-na qadar) 16 biñden çoq insan tahminen 60 million grivna aldı.

Bu gumanitar leyhanıñ müddeti oraq ayının başında soñuna kele.

Qayd etmek kerek ki, bu teşebbüs, ReNazirliginiñ HMT, milliy alâqa operatorı ve vilâyet arbiy memuriyetlerinen işbirliginiñ muvafaqiyetli bir örnegi oldı.