Tünevin duşman ateşler neticesinde Lugansk vilâyetinde “Popasna rayon suv kanalı” kommunal teşkilâtınıñ astyapısı yoq etildi.

Teşkilât, vilâyetiniñ toprağında, bu cümleden Lugansk vilâyetiniñ işğal etilgen toprağında da suv teminatı yapa edi. Bu, 2014 senesinden işğal etilgenlernen beraber 1 milliondan ziyade abune.

Vilâyet arbiy memuriyetniñ başı Serhiy Ğaydaynıñ malümatına köre, suv kanalı yoq etildi. İşğalciler filtr stantsiyalarından birinde ast stantsiyanıñ binasını ve transformatornen açıq üleştirici aletni bozdılar.

Hatırlatamız ki, Ukrainanıñ vaqtınca işğal etilgen topraqlarınıñ reintegratsiya meseleri nazirliginiñ Frenkistan ükümetinen imzalağanı ükümetler arası añlaşmağa mücibi, suv teminatınıñ keyfiyetini arttırmaq içün bu sene mezkür suv teminatı obyektiniñ masştablı modernleştirilmesi planlaştırılğan edi. Şimdi bu çalışmalar toqtatıldı. Arbiy arekerlerniñ tamamınen bitirilecegine qadar bozulğan astyapınıñ yañıdan qurulması olmaya bilir.