Siversk, Donetsk vilâyetinde, Bahmuttan deyerli 40 km uazqlığında ve Slovyansktan biraz daa uzaqta yerleşken bir şeer. Keçmişte o yer tınç ve tena edi, amma şu anda olmay. Belki de er bir saat cebege yaqın meskün yerlerniñ çoqusınıñ topraqlarında rus raketaları ve toplarından yañı çuqurlar peyda ola. “Ateşlerniñ” tamam ortasında sakinlernin evleri, hocalıq binaları, astyapı obyektleridir. Saqlanmağan şeyler şu anda taşlar, tola ve şifr obasıdır.

Mayıs ayınıñ 10-undan itibatınen

DONETSK VİLÂYETİ

Tünevin rus işğalcileri vilâyetiniñ 13 meskün yerini ateşke tuttılar. Eñ az grajdan obyekt virnelikke oğradı. Olarnıñ arasında: mesken evler, tehnikum, din binası, yaşayış teminatı obyektleri.

Keçenlerde insan qurbalarınıñ olğanları Mariupol, Slovyansk, Kramatorsk, Avdiyivka, Siverske ve tahminen on meskün yerni ateşke tuta ediler. Elektrik ast stantsiyası, hocalıq binaları, garaj, köy hocalığı müessisesi ve vilâyet ince marazğa qarşı dispanseriniñ dispanser bölügi binaları viran etildi.

Tolu masştanblı tecavuzdan berli Donatsk vilâyetinde 345 tınç yaşağan sakini öldürildi, daa biñden ziyade kişi yaralandı. Bu, Mariupolnıñ qurbanlarını saylamadan.

Rus ordusı deyerli 70 biñ bina ya viran etti ya da bozdı: 3 biñden ziyade çoq daireli ve 55 biñ şahsiy ev. İşğalciler, Mariupolnı (63,5 biñ ev), Pavlivkanı (677), Stepnenı (365), Bohoyavlenkanı (215), Kramatorsknı (161) ve Bahmutnı (185) ve 90%i viran etilgen Volnovahanı eñ çoq viranelikke oğrattılar.

Astyapınıñ ğayıpları:

– 30dan ziyade suv teminatı obyekti (tahminen 49 meskün yer suvsız qaldı);

– 30dan ziyade elektrik teminatı obyekti (253 meskün yer elektriksiz qaldı);

– 73 gaz teminatı obyekti (33 meskün yer tamamınen ve 9 qısmen gazsız qaldı);

– 87 medeniyet obyekti (em de 20 kütüphane, 6 müzey ve Ekinci cian cenkiniñ 4 tarih abidesi);

– 122 tasil müessisesi (em de 55 bala bağçası ve 59 mektep);

– 48 sağlıq müessisesi;

– 8 qazan binası;

– 332 demiryol obyekti;

– 22 köpür.

Donetsk vilâyetindeki Nyü-Yorkta ateşler ve yanğın neticesinde eki cian cenkten soñ saqlanğan tarihiy abide bozuldı. Bu, Peter Dikniñ 1903 s. qurulğan dört qatlı buv degirmeni. Uktrainanıñ şarqınıñ amlan mirası, üçünci cenkni yaşayamadı.

Vilâyetiniñ eñ çoq accı ketirgen noqtası Mariupoldır. “Azovstal”dan tüm qadınlar, balalar çıqara bilgenimizge baqmadan anda pek çoq grajdan kişi buluna.

Aynı zamanda Donetsk vilâyetiniñ çoq başqa cebege yaqın meskün yerinde tahliye meselesi inkişaf etmege başladı. Keçenlerge qadar arbiy areketler zonasından ayrımağa red etken sakinler köçmege razı oldılar. Bunıñ içün avtobuslar, em de Siverskten, insanlarnen tolu kete. Faqat benzin eksikligi bar.

Şu anda 253 meskün yerde elektrik energiyası kesildi. Birleşken quvetler operatsiyası ştabına, Kontrol ve koordinatsiya ortaq merkezine ve Grajdan-arbiy işdeşlik idaresine yañıdan qurma işleriniñ keçirilmesi içün maqbul arizalar yollandı. Amma askerler alâ daa izin bermediler.

Dercde, Donetsk vilâyet devlet memuriyetiniñ resmiy Facebook saifesinden ve Donetsk VAMniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.