Tünevin rus işğalcileri Mıkolayıvnıñ merkeziy rayonını bir ateşli reaktiv sistemasınen ücüm ettiler. Halqara şartnameler tarafından yasaqlanğan saylanmağan areketli qaset silâsını qullandı. Daa Oçakivniñ deñiz astyapısına raket ateşleri açtılar.

Böylece olar qarşılıqnı ve ukrainlı keyflerini bastırmağa tırışalar: uzaqtan ateş açalar ve tek grajdan astyapığa. Amma cesaretli insanlar planlarını bozalar.

Mayıs ayınıñ 17-sinden itibarınen

MIKOLAYOV VİLÂYETİ

Yazıq ki, soñ ateşler neticesinde 13 insan yaralandı. Umumen rus silâsından zarar körgen 177 hasta Mıkolayıv hastahanelerinde buluna. Grajdan naqliyat duraqları da bozuldı, bir qaç şahsiy tükân, alış-veriş merkezi, avtomobil naqliyatı ve gaz borusı viran etildi. Bir çoq klaster bombası patlamadı, bunıñ içün FVDHniñ mütehassısları olarnı zararsız bir alğa ketirirler.

Bundan ğayrı, rus tecavuzından berli vilâyetinde 3,5 biñ grajdan obyekt ya qısmen bozuldı ya da tamamınen viran etildi.

Olarnıñ arasında:

– mesken fond – 2,4 biñ;

– tibbiy müessise – 31;

– tasil müessisesi – 183;

– medeniyet müessisesi – 85;

– sanayı teşkilâtı – 32;

– başqa yaşayış teminatı obyektleri: gaz – 142, elektrik – 283, suv – 16, qızdıruv teminatı – 53;

– arbiy olmağan başqa obyektler – 197.

Toqtatılmağan ateşlerge baqmadan vilâyetinde gaz ve elektrik teminatını temir etmege aşıqalar. Şu anda 3,5 biñ qullanıcı gazsız. Baştan ve Mıkolayıv rayonlarınıñ 89 (4-ünde qısmen) meskün yerinde elektrik, suv teminatı ve suv üleştirmesi toqtatıldı.

Keçenlerde haberdar etkenimiz kibi, arbiy areketler neticesinde vilâyet merkezini ve başqa meskün yerlerni Dnipro suvunen temin etken “Dnipro-Mıkolayıv” suv borusı bozuldı. Bu mesele endi aprel ayınıñ ortasında da ciddiy oldı. İnsanlar ya ketirilgen ya da artezian suv qullana ediler. Tünevinden başlap Aq Suvdan merkezleştirilgen teminat başlatıldı. Kerçekten de bu, içilir suvnıñ keyfiyetine uyğun olmağan tehnikiy suvdır. O, grafikke köre saba ve aqşam maalinde bir qaç saat devamında berilir.

Bu vaqıt sıñırına yetemegenler içün şeer şurasınıñ Yaşayış-kommunal hocalıq departamenti, tehnikiy ve içilir suv berilgen noqtalarnen online haritanı yarattı. Malümat er kün yañartır. Bundan ğayrı, araçıqlarnı qazıp ve temizleştirici donatma pekitip suv teminatını yañından başlatmağa planlaştırırılar. Bunı yapmaq içün Devlet aşayt hızmetiniñ işçileri, alternativ çoqraqlardaki suvnı teşkerirler.

Evelki kibi, göñülli tahliye devam ete. Öz evlerinden ayırğanlarnıñ sayısı yavaş yavaş artar, çünki başqa bir çare yoq. Mıkolayıvnıñ ve vilâyetiniñ sakinleri çoqusı allarda Palankağa, Odesağa ve diger meskün yerge keteler. Şu anda umumen 21,4 biñ kişi tahliye etildi. Vaqtınca yerleştirme müessiselerinde 367 devlet içinde alınğan kişi buluna.

Dercde, Mıkolayıv vilâyet devlet memuriyetiniñ resmiy Facebook saifesinden alınğan malümat qullanıldı.