Ölgen askerlerniñ bedenlerini qaytaruv tedbirleri neticesinde Ukraina Avdiyivka, Bahmut, Maryınka, Vuğledar, Zaporjjâ ve Luhansk yönelişlerinde elâk olğan askerlerniñ cesetlerini Vatanğa qaytardı. Bundan ğayrı, Rusiye Federatsiyasınıñ toprağındaki morgdan bir ceset ketirildi.

Arbiy esirlernen tutuv meseleleri idare ştabı, Ukraina Telükesizlik hızmetiniñ uzurında Birleşken merkez, Ukraina İİN, USQ, Ukraina FVDHniñ Bİ, Ukraina Devlet sıñır hızmeti ve başqa Ukraina telükesizlik ve mudafaa müessiseleriniñ ve Haqlara Qızıl Haç Eyyetiniñ vastassız orta işinen bedenler qaytarıldı.

Ukraina Silâlı Quvetleri, uquq qorçalayıcı organlarğa ve makeme-tibbiy mütehassıslarına  qaytarılğan bedenlerni ve cesetlerni yollamaq içün olarnı mahsus devlet müessiselerine ketirecek. Mütehassıslar ise ölgenlerniñ şahıslarını tesbit etecekler.

İdentifikatsiya keçirilecek soñ qorçalayıcılarımıznı qıymetnen defin etmeleri içün olarnıñ bedenleri yaqınlarına berilecek.

Ukraina içün eñ qıymetli şey olğan canlarını bergen Qaramanlarğa ebediy ürmet bildiremiz.