1975 senesinden başlap yanvar ayınıñ 12-sinde eñ belli siyasiy mabuslarından ve Ukrainanıñ mustaqilligi içün küreşçilerden biri Vyaçeslav Çornovolnıñ teşebbüsinen er sene devletimiz Ukrain siyasiy mabus kününi qutlamaqtadır.

1972 senesi tamam mezkür kün ukrain disidentlerinden qarşı eñ şiddetli repressiyalar oldı. Vasıl Stus, Leonid Plüşç, Zinoviy Antonük, İvan Dzüba, Vyaçeslav Çornovil kibi milliy-demokratik areketniñ belli erbaplarınıñ çoqusı tevqif etildi.

Bu insanlar, kadebist işkencelerini, can sıqıcı hiyanetler ve lagerlerni başından keçirip areket etmege toqtamağan kerçek qaramanlardır. Olar, devletligimizniñ institutsiyalarınıñ eñ faal ve izçen inkişaf ettiricileri oldılar.

Faqat bilgenimiz kibi, tarih tekrarlana bilir… 2014 senesinden soñ tecavuzcı tarafından işğal etilgen Ukrainanıñ topraqlarında yüzlerce ukrain vatandaşı yañıdan reineler ve esirler oldı. Rusiye işğal rejimi endi sekiz sene devamında qanunsız olaraq jurnalistler ve uquq qorçalayıcılar yaqalanmaqta, vatandaları, diniy ve qavmiy mesnüpligi sebebinden muntazam tarzda quvalanmaqta, Ukrainanıñ territorial bütünliginiñ bozulmazlığına dair cemaat ögündeki ve açıq nazar noqtası sebebinden tevqif etimektedir.

Şimdi rus apislarinde onlarca siaysiy mabus qalmaqta… Ukrain devleti ve cemaatı, millet öz halqınıñ taqdirini tesbit etmek içün küreşmek içün añlı tarzda özüni feda etkenler ve azğariy fırsatnı bile qullanğanlarğa yardım köstermege tırışmaqtadır.

2021 s. dekabr ayınıda Ukraina Prezidenti Volodımır Zelenskiy öz cemiyet nazar noqtası, suverenitetni qorlaçavğa ve Ukrainanıñ territorial bütünligini ğayrıdan tiklevge yönelgen cemiyet-siyasiy faaliyeti sebebinden qanunsız üküm alğan ve RF, tecavuzcı bir devlet, tarafından qanunsız olaraq azatlıqtan marum etilgen daa 14 ukrain vatandaşlarına Levko Lukyanenko adına stipendiyanı tayin etti. Bundan ğayrı, Reintegratsiya nazirligi, ihtisasiy uquq yardımını (onı bermek içün tedbirler de) bermek ve mezkür insanlarnı ve qorantalarınıñ azalarına yardım etmek içün azatlıqtan marum etilgen 140 vatandaşlarğa para ödedi.

Medeniyleşken dünyada itiqatları sebebinden vatandaşlarnıñ quvalanmalarınıñ yoq olacağına ve tek bizim hatıramızda, özüni ve Ukrainanı hiyanet etmeyerek bu imtianlardan keçken insanlarğa samimiy minnetdarlıqnıñ qalacağına ümüt etemiz.