Lugansk vilâyetiniñ Lısıçansk şeer territorial cemiyetiniñ orta tasil yurtlarında Ukrainanıñ vaqtınca işğal etilgen topraqlarınıñ reintegratsiya meseleleri nazirligi mina telükesi qaideleri malümat-añlatıcı tedbirlerini teşkil etti.

Mekteplerde Reintegratsiya nazirliginiñ Reintegratsiya ve gumanitar minasızlaştırma direktoratınıñ vekilleri malümat berdiler. Tedbirler vaqtında oquv qullanmaları ve «Mina ve patlayıcı şeyler» malümat stendleri qullanıldı. Talimat bergen soñ mekteplerde olması maqsadınen berildi. Daa balalar «Mina telükesizligi işletilme qaidelerisiz olmay» komiks-kitaplarını ediye olaraq aldılar.

Lısıçansk şeer arbiy-grajdan memuriyetiniñ tasil idaresinde mezkür tedbirler yardımınen talebelerniñ, mina ve başqa patlayıcı şeylerniñ kerçek telükesini añlaya bilecegi söylendi.

Ukrainanıñ vaqtınca işağl etilgen topraqlarınıñ reintegratsiya meseleleri nazirliginiñ mina ve patlayıcı şeylernen özüni tutuv qaidelerine dair treningler ve lektsiyalarnı keçirgenini hatırlatamız. Bu cümleden, dekabr ayında Lısıçansk territorial cemiyetiniñ toprağınıñ oquv yurtlarında, Lugansk vilâyetiniñ Popasna şeerindeki «Leleka» bala reabilitatsiya merkezinde mezkür tedbirler keçti.

Bundan ğayrı, keçken afta Donetsk vilâyetiniñ Maryinka territorial cemiyetiniñ mektepleriniñ talebelerine mezkür alışqınlıqlar ve bilgiler berildi.