Balanıñ ailesine qaytaruv daa bir bahtlı ikâyesi. rusiyeniñ tolu miqyaslı tecavuzı başlanğıcında Severodonetskniñ sakini olğan 13 yaşlı Kseniya Voronova anasınen beraber Vinnıtsâğa ve bundan soñ çet ülkege tahliye ettiler.

Cenkten evel Kseniya ayaqmaşna sportınen faal olaraq oğraşa edi, bunıñ içün qısznıñ tidmancısı Ukrainadan ketmege qarar bermege yardımcı oldı. O, genç sportçınıñ cenkke baqmadan idman ete ve eñ sevimli sport türünde inkişaf ete bilmesi maqsadınen ana-babasına qızını İtaliyağa yollamağa tevsiye etti.

Bütün uquqiy hususiyetlerni çezmek içün ana-babası yazılı razını imzaladılar. Oña köre qıznıñ qanuniy vekili qartanası oldı. Faqat İtaliya Cumhuriyetiniñ akimiyetiniñ vekilleri aqıl-baliğ olmağan qıznıñ bu tür vekilligini qanuniy olaraq tanımadılar ve qıznıñ vasiyligini üçünci şahıslarğa berdiler.

Dört aydan ziyade ailesi öz vasiyligini isbat etmege tırışa edi. Qıznıñ qaytarılması içün küreşniñ daa çoq ne qadar sürecegi belli olmay. Soñunda Kseniyanıñ anası Reintegratsiya nazirligine hitap etti.

Ve neticesinde Kseniya evindedir! Reintegratsiya nazirligi Neapoldaki Baş konsul Maksım Kovalenkoğa ve balalarımız içün küreşken er keske teşekkür bildire.

Hatırlatamız ki, bu tür vaizyetke oğraşsañız ya da yardımğa ihtiyacıñız olsa, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ (096) 078-84-33 sıcaq hattına ya da bulunğanıñız devlette Ukraina konsullığına hitap etiñiz. Bağlantığa basıp olarnıñ cedvelini ögrene bilirsiñiz.