Cenkniñ ilk künlerinde işğalciler Mıkolayıv vilâyetiniñ Nova Odesa rayonınıñ Kandıbıne qasabasını keçtiler. Yerli sakinler, olarnıñ “Gradları”nıñ mesken evlerden bir qaç yüz metr uzaqtlıqta turğanını añlatalar. Grajdanlarnı körse, habedar etmeden ateş aça ediler.

Mayıs ayınıñ 23-ünden itibarınen

MIKOLAYOV VİLÂYETİ

Birinciden Kandıbınede işğalciler, okoplarnı ve bir qaç mergin nişancı noqtasını tiklediler. Bunı yapmaq içün olar oradaki fermanıñ binalarından pencerelerni bile çıqardılar. Aç olğanda, tükânnı hırsızlamağa kettiler. O boş edi. O zaman olar azbarlarğa kettiler. Ev ayvalarnı ata, savut-saba ala ve alkogol qıdıra ediler. Daa evler arasında ve qomşu Ğuryivka ve Kostıtsige tanknen kete ediler. Şu anda bu qasaba azattır, amma sakinleri, rus ordusınıñ “hocalıq etmesi”niñ neticelerini alâ daa yoq eteler.

Tübnevin rus ordusı kene de Mıkolayıvnıñ rayonlarından birini, Şırokivska ve Bereznehuvatska cemaatlarını ateşke tuttı. Şahsiy mesken sektor, BARS “Smerç” kaset silâsınıñ ateşlerine oğradı. Grajdan vatandaşlarnıñ azbarları ve evleri bozuldı. Ev ayvanları da yaralandı ve öldürildi. Tınç yaşağan ealige ateş açaraq, işğalci kene de mıkolayıvlılarnı qorqutmağa tırışa.

Rus tecavuzından berli vilâyetinde 3,6 biñ grajdan obyekt ya qısmen bozuldı ya da tamamınen viran etildi.

Olarnıñ arasında:

– mesken fond – 2,5 biñ;

– tibbiy müessise – 33;

– tasil müessisesi – 190;

– medeniyet müessisesi – 86;

– sanayı teşkilâtı – 35;

– başqa yaşayış teminatı obyektleri: gaz – 145, elektrik – 284, suv – 16, qızdıruv teminatı – 53;

– arbiy olmağan başqa obyektler – 204.

Şu anda vilâyetindeki cenk neticesinde zarar körgen meskün yerlerde gaz ve elektrik teminatını temir işleri devam ete.

Şimdi 3,7 biñ qullanıcı gazsız qaldı. Baştan ve Mıkolayıv rayonlarınıñ 92 meskün yerinde elektrik enegriyası, suv teminatı ve suv üleştiricisi toqtatıldı.

Mıkolayıv vilâyetinden ayat telükesi sebebinden 21,7 biñ kişi ayırdı. Voznesensk (1,2 biñ), Baştan (4,1 biñ) ve Mıkolayıv (318) rayonlarından eñ çoq insan ayırdı. Çoqusı allarda insablar Palanka (7,6 biñ), Odesa (7,1 biñ) ve diger (1,4 biñ) meskün yerlerge kete ediler. Şu anda vilâyet merkeziniñ vaqtınca yerleşme müessiselerinde 388 devlet içinde alınğan kişi buluna.

Dercde, Mıkolayıv vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.