«Rada» parlament telekanalınıñ yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

Laf, «Quvetli Ukraina içün işdeşlik» halqara fondunı teşkil etüv aqqındadır. Bu, Büyük Britaniyanıñ, Kanadanıñ, Amerika Qoşma Ştatlarınıñ, İsveçre ve İsveçiyanıñ orta teşebbüsidir. Bu ay fond resmen çalışmağa başlamağa planlaşılır.

«Yavnar ayınıñ 31-inde añlaşma imzalanacaqtır. AQŞ, Kanada, Büyük Britaniya, İsveçre ve İsveçiya yardım etmege istey, amma tamam ortaqlar olaraq», – dep Vereşçuk qayd etti.

Leyhanıñ fiyatı – üç sene içinde ayırılacaq 35 mln funt sterlingdir. Fondnıñ faaliyetiniñ maqsadı, rus tecavuzı neticesinde zarar körgen cemaatnıñ sürekli turğun inkişafı ve birligini pekitmek içün yardım etmek, kelecek kerginleşüvniñ aldını almaq, Ukrainanıñ şarqiy ve cenübiy bölgelerindeki cemiyetlerniñ işbirligini ve quvetini pekitmek, vaqtınca Ukraina Ükümetiniñ nezareti astında olmağan topraqlarnıñ planlaştırılğan ve maniasız içtimaiy, iqtisaidy ve siyasiy reintegratsiyasına azırlamaqtır.

«Biz endi 2020 s. kerçekleştirilecek esas leyhalarnı sayladıq. Bu, energiya semereliligi, cemaatnıñ pekitmesi ve qabiliyeti leyhalarıdır. Şimdi biz añlaşmanı imzalamanıñ hususiyetlerini muzakere etemiz. Pek ümüt etem ki, yanvar ayınıñ 31-inde o imzalanacaq», – dep Vereşçuk hulâsa çıqardı.

Qoşma malümat. 2021 s. avgust ayınıñ 24-ünde Büyük Britaniya, Kanada, AQŞ, İsveçre ve İsveçiya kerekli vesiqanı imlazayaraq «Quvetli Ukraina içün işdeşlik» orta halqara fondunı teşkil etme niyetini bildirdiler.

İmazalağanlar arasında Ukrainadaki Kanadanıñ elçisi Larısa Galadza, İsveçiyanıñ elçiliginden Katâ Salsbek, Ukrainadaki İsveçreniñ elçisi klod Vayld, Büyük Britaniya ve AQŞ avropa qomşulığı naziri Vendi Morton, AQŞndan – Ukrainadaki USAID missiyasınıñ direktorı Ceyms Houp edi.