Vitse baş nazir İrına Vereşçuknıñ şahsınen Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve Ukrainadaki HMTnıñ Vekilliginiñ başı An Nguyenniñ şahsınen Halqara Migratsiya Teşkilâtı, devlet içinde alınğan kişilerniñ mesken şartlarını yahşılaştırmaq, olarğa yardım etmek ve olarnı qorçalamaq maqsadınen işdeşlik añlaşmasını imzaladılar.

İmzalanğan añlaşma, eki tarafnıñ köçip kelgen kişiler içün kelecek programmalarnı azırlama ve şimdikilerni yerine ketirme, devlet içinde alınğa kişilerni yardımnen teminat, olarğa hızmet etme ve olarnı qorçalama saalarında ortaq ğayretleriniñ birleştirilmesini esapqa alır.

Bu cümleden, taraflar DAKniñ iqtisadiy reintgratsiyası leyhasınıñ yerine ketirilmesini ve biznesniñ yañıdan qurulmasını muzakere ettiler:

1. Grant programması – İlbav, Zakarpattâ, Kıyıv (Kıyıv şeerinden ğayrı), Çernihiv ve Sumı kibi Ukrainanıñ vilâyetlerinde şimdi işlegen mikromüessiselerniñ destegine yönelgen (10 iş yerine qadar).
2. Grant programması – İlbav ya da Zakarpattâ vilâyetlerine köçken ya da köçüv ceryanında olğan kiçik müessiselerniñ destegine yönelgen.