Rusiyeniñ Ukrainağa qarşı tolu masştablı tecavuzından başlap Ukrainanıñ vaqtınca işğal etilgen topraqlarınıñ reintegratsiya meseleleri nazirligi eñ müim saalardan biri – minağa qarşı faaliyet saaında çalışmağa devam ete.

Böylece, Reintegratsiya nazirliginiñ azırlağanı minağa qarşı faaliyetler tedbirleri operativ planı (15.04.2022 № 288-р) Ükümet tarafından tasdıqlandı. Mobil operatorınen beraber mina telükesizligi sms-beyanatınıñ ortaq yollanması, teşebbüsniñ neticelerinden biri oldı.

Tapılğan patlayıcı şeylernen doğru özüni tutma qaideler aqqında haberdar etmek maqsadınen maarif kampaniyası çerçivesinde aprel ayınıñ 7-sinden mayıs ayına qadar demiryol vokzallarında ve trenlerde, paytaht metrosında ve şeer malümat tablolarında yayınlanğan mevzulı videolar azırlandı.

Aynı zamanda Tasil ve ilim nazirliginen ve UNICEFnen beraber Reintegratsiya nazirligi em de tasil müessiseleri içün malümat maarif kampanyasını başlattı.

Daa Reintegratsiya nazirligi, İçtimaiy-gumanitar qarşılıq merkezini teşkil etti. Onıñ esas vazifesi, minağa qarşı faaliyet saasında devlet siyasetiniñ şekillendirilmesine ve yerine ketirilmesine yardım etmketir. Bu cümleden, ealiniñ patlayıcı şeylerniñ telükesi aqqında malümat berme kontekstinde. Daa zarar körgenlerge yardım etme, olarnıñ reabilitatasiyasına hızmet etme, topraqlarnı patlayıcı şeyler içün teşkerme, mahsuslaştırılğan haritalarnı işaretleme ve yaratma saalarında.

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, insanlarnıñ ayatlarını qurtarmaq maqsadınen vatandaşlarnı mina telükesi aqqında malümat bermege devam etecektir.