Öz Telegram kanalında Vitse baş nazi – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, şu anda vaqtınca işğal etilgen topraqlarda bulunğan talebeler ve ocalarğa muracaat etti.

«Üç aydan daa az vaqıt içinde yañı oquv senesi başlaycaq. Çoq ana-baba ve oca içün bu, qarar berme vaqtıdır»,- dep Vitse baş nazir qayd etti.

«Namuslı olayıq: vaqtınca işğal etilgen topraqlarda, olarnıñ Ukrainanen birleşitirimesine qadar normal bir ayat olmaycaq. Çoq uquqiy meselesen ğayrı, daa bir bar – Ukrain öz topraqları içün cenkleşecek. Bunıñ içün vaqtınca işğal etilgen topraqlar, arbiy areketler zonası ola bilir. Bu alda bir-birimiznen namıslı olmalımız. Şu anda medeniyet ve canavarlıq arasında demir bir perde asıla.

Şu anda vaqtınca işğal etilgen topraqlar çoq sakin özü içün qarar bere: divarnıñ qaysı tarafında: ya bu, ya da şu birinde olmağa istey. Sentâbr ayında balalarnıñ oqumağa kelecekleri yer, em balalarnıñ, em de ana-babalarınıñ taqdirini yaza bilir»,- dep İrına Vereşçuk bildirdi.

Ayrıca genç ocalar içün şimdi doğru olmağan bir qarar zenaat ayatını boza bilir, dep memur qayd etti.

«Bunıñ içün vaqtınca işğal etilgen topraqlardaki er dereceli tasil müessiseleriniñ ocalarına muracaat etem: işğalcilernen çalışmañız! Ukraina Ükümeriniñ nezareti astındaki toprağına ketiñiz. Mında siziñ içün iş tapılacaq. İşğalcilernen çalışsañız, belki de uquqiy mesüliyetten qaçarsıñız. Faqat oca karyerañız bitirilecektir. Em de vaqtınca işğal etilgen topraqlardan ana-babalarğa muracaat etem: balalarıñıznı işğal tasil müessiselerine oqumağa ketirmeñiz. Kontrol etkenimiz topraqlarğa ketiñiz. Zor olğanını bilem. Meskensiz, işsiz, dostlarsız pek zor olğanını añlayım. Amma kelecek anda olarnen degil, tamam mında biznendir. Biraz sabırlı oluñız ve er şey yahşılaştıracaq. Bunı da yaşaycaqmız. Kelecekte balalar minnetdar olacaqlar»,- dep Reintegratsiya nazirliginiñ reberi bitirdi.