Ukraina Vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ reberliginen devlet içinde alınğan kişilerniñ cenk sebebinden peyda olğan meseleleri mevzusında bir oturış keçirildi.

Muzakerede İçtimaiy siyaset naziri Marına Lazebna, Sağlıq naziri Viktor Lâşko, Ukraina halq mebusı – “Sluğa Narodu” mebus fraktsiyasınıñ başınıñ muavini Olena Şulâk, Ukraina Yuqarı Şurasındaki Ukraina Nazirler Kabinetiniñ daimiy vekili Taras Melnıçuk iştirak etti. Halq mebusları, diger nazirliklerniñ ve halqara teşkilâtlarnıñ vekilleri de qoşuldı.

Şu anda Rusiyeniñ tolu miqyaslı tecavuzı sebebinden Ukrainada tahminen 4,1 mln DAK bar. Olardan 2,7 biñi ise 2022 s. yanvar ayınıñ 24-ünden telükesiz bir yerge köçti. Bu cümleden, oturış vaqtında DAKnıñ meseleleri ve devlet ögünde turğan aktual çağıruvlar muzakere etildi.

«Ükümetniñ bu qadar zor devirde ceryalarnı idare etmege saqlaya bilmesi pek müimdir. Bunıñ içün kişilerniñ devlet içinde köçkende peyda olğanı meselelerini çezmek içün kompleksli usullarnı qıdıramız. Acele neticege yönelgen muayyen vazifelerimiz bar. Bu işte bizge yardım etmege azır olğan halqara ortaqlarımız ve teşkilâtlarımıznen omuz-omuzımızğa turmamız pek müimdir, – dep İrına Vereşçuk qayd etti.

Böylece, oturış neticelerine köre, meselelerni çezmek maqsadınen iştirakçiler esas mehanizmlerni tesbit etmege añlaştılar. Bundan ğayrı, saalı nazirliklerge DAKnı qorçalama aktual meseleleriniñ çezilmesine dair avaleler berildi.