Soñ afta Herson vilâyetiniñ 6 meskün yerinde Ukrpoştanıñ statsionar bölüklerini yañıdan açtı. Şu cümleden, Komışanı şeer şeklinde qasabasında, Kizomıs, Borozenske, Stepanivka, Stanislav ve Mırolübivka köylerinde. Mında pensiya ödemelerini, aşayt mahsulatı ve ilk kerekli eşyalarnı almaq mümkün. Umumen Herson vilâyetiniñ işğalden azat etilgen topraqlarında Ukrpoştanıñ 18 statsionar ve 9 mobil bölügi çalışa.

Vilâyet merkezinde devlet PrıvatBank daa bir bölügini açtı. Bu, Herson şeerinde çalışqan endi altıncı bölügidir. Anda vatandaşlar kassa, bankımat ve özüni hızmet etüv terminalını qullana bilirler. Müessise Uşakova soqağı, 46 adresinde yerleşe.

Hatırlatamız ki, keçenlerde PrıvatBank İllüşa Kulık sq., 149/29; Aziz Kırıl ve Mefodiy caddesi, 10; Suvorov sq., 34; Potömkinska, 20 ve Hersonnıñ 200. seneligi caddesi, 32 adreslerinde bölüklerini açtı.

Devlet Oşçadbank, şu anda vilâyet merkezinde çalışqan üç bölüginde müşterilerni hızmet ete. Şu cümleden, Suvorov soqağı, 26; Hersonnıñ 200. seneligi caddesi, 16 ve Çornomorska sq., 29a adreslerinde. Umumen Herson vilâyetiniñ işğalden azat etilgen topraqlarında bu banknıñ endi dört bölügiyañıdan çalışmağa başladı – keçenlerde Novovorontsovka şşqda Torhovıy caddesi, 3 adresindeki bölük yañıdan açıldı.