Ukraina Vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ reberliginen rfnıñ Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantaları azalarınıñ içtimaiy ve uquqiy qorçalamasına dair bir oturış keçirildi.

Anda merkez icra akimiyet organlarınıñ, Qırım MCde Ukraina Prezidentiniñ Vekilliginiñ ve cemiyet teşkilâtlarınıñ temsiclileri iştirak ettiler.

«Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantaları azalarınıñ içtimaiy ve uquqiy qorçalaması aqqında» Ukraina qanunınıñ işlenmesi, Akt leyhalarını azırlama planınıñ yerine ketirilmesi ve onıñ muvafaqiyetli yerine ketirilmesi içün kerekli diger vazifeler muzakere etildi.

Muzakere neticelerine köre, iştirakçiler areketlerni kelecek koordinatsiya etmege ve Qanunnıñ qaideleriniñ semereli kirsetilmesi içün bu saadaki işini quvetleştirmege añlaştılar.