Bugün dekabr ayınıñ 8-inde Ukraina Tış işleri nazirliginde rfnıñ qanunsız olaraq tutqanı Ukraina vatandaşı olğan siyasiy mabüslerini azat etmek içün halqara ğayretlerni koordinatsiya platformasınıñ oturışı keçirildi.

Tedbirde devlet akimiyet organları, Qırımtatar Milliy Meclisi ve ükümetsiz teşkilâtlarınıñ temsilcileri iştirak ettiler.

Reintegratsiya nazirliginiñ vekilleri, kelgenlerni «Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantaları azalarınıñ içtimaiy ve uquqiy qorçalaması aqqında» Ukraina qanunı aqqında haber berdi. Reintegratsiya nazirligindeki maqbul Müessiseler arası eyyetniñ 2022 senesi neticelerini ve silâlı tecavuz neticesinde serbestlikten mahrum etilgen kişilerni içtimaiy qorçalav ve destek etüv ceryanlarına Milliy malümat bürosınıñ çekmesini bildirdiler.

Hatırlatamız ki, 2020 senesi Platforma, rfnıñ qanunsız olaraq tutqanı Ukraina vatandaşı olğan siyasiy mabüsleriniñ aqlarını saqlamaq ve olarnıñ acele tarzda azat etilmeleri maqsadınen krelmgr halqara basımnı quvetleştirmek içün bir usul yaratılmağa teşebbüs oldı.