Ukrainanıñ vaqtınca işğal etilgen topraqlarınıñ reintegratsiya meseleleri nazirligi, vaqtınca işğal etilgen topraqlarnen sıñır sızığında yerleşken Lugansk vilâyetiniñ Girske şeer territorial cemiyetindeki mesleat noqtalarını abadanlaştırmaq içün malümat ve oquv materiallarını berdi.

Girske cemiyetinde vatandaşlarınıñ mina ve başqa patlayıcı şeylerniñ telükesi ve özüni tutuv qaideleri aqqında haberdar seviyesini arttırmaq maqsadınen mesleat noqtalarını abadanlaştırma işleri devam etmekte. Bu noqtalarda vatandaşlar qabul etilecek ve mina telüke qaidelerine dair mesleatları berilecektir. Daa semereli malümat-añlatıcı tedbirlerini keçirmesi içün Reintegratsiya nazirligi Girske cemiyetine oquv material partiyasını berdi.

Reintegratsiya nazirliginiñ, farqlı yaşlardaki eali içün patlayıcı şeylernen özüni tutuv qaidelerine dair malümat-añlatıcı, teşviqat tedbirlerini muntazam tarzda alıp barğanını hatırlatamız. Bu cümleden, yanvar ayında Donetsk vilâyetiniñ Maryinka territorial cemiyetiniñ mekteplerinde ve Lugansk vilâyetiniñ Lısıçansk territorial cemiyetiniñ oquv yurtlarında mezkür tedbirler keçirildi.