2021 s. fevral ayınıñ 8-inde çoq vaqıt keçken soñ Nazirler Kabinetiniñ 2017 s. aprel ayınıñ 26-sındaki №329 emrine mübibi teşkil etilgen Ukrainada halqara gumanitar aqnıñ normalarını kerçekleştirme ve qullanmanen bağlı meseleler üzreinde idarelerarası eyyet yañıdan çalışmağa başladı.
Eyyetniñ oturışı Vitste-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ reberliginen keçti. Oturışta Reintegratsiya nazirliginiñ 2022 s. fevral ayınıñ 2-sindeki №30 emrinen tasdıqlanğan şahsiy erkânına mücibi Eyyetniñ azaları ve iş gruppalarınıñ koordinatorları da iştirak ettiler.
İrina Vereşçuknıñ sözlerine köre, Eyyet, orta qararnı azırlamaq, devlet akimiyet organları arasında işdeşligini temin etmek içün semereli bir alet, olarnıñ quvetlerini birleşmek, meselelerni çezme yolları ve vastalarını tesbit etmek içün bir platforma, ukrain grajdan cemiyet institutlarınıñ, meşur alimler ve halqara teşkilâtlarnıñ vekilleriniñ işdeşlik meydançığı ola bilir.
Böylece, oturışta Eyyetniñ iş tertibi, korrdinatorlar ve dört iş gruppasınıñ şahsiy erkânı tasdıqlandı:
- silâlı tecavuz neticesinde zarar körgenlerni qorçalamanen bağlı meseleler üzerinde;
- cenkni ötkerüv çareleri ve usullarınen bağlı meseleler üzreinde;
- medeniy zenginliklerni qorçalamanen bağlı meseleler üzerinde;
- halqara gumanitar aq ve oña riayet etüv aqqında malümat-maarif faaliyetlerini keçirmenen bağlı meseleler üzerinde.
Bu cümleden, silâlı tecavuz neticesinde zarar körgenlerni qorçalamanen bağlı meseleler üzerinde iş gruppasınıñ prioritetli vazifeleri, buhranlı allarda gumanitar yardımnı berüv aqqında qanun leyhasını azırlamaq ve kerçeksizligi vaqtınca işğal etilgen topraqlarda olarnı kerçekleşmesinen bağlı olğan aq etüvni tanınmanen bağlı qanun leyhasını işlemektir.
Bundan ğayrı, kelecek oturışqa başqa saalrda prioritetlerni tesbit etmege qarar berildi.
