İşğalden azat etilgen Herson, Mıkolayiv, Harkiv, Donetsk ve Luhansk vilâyetleriniñ topraqlarında noyabr pensiyalarına para tamamınen ayırıldı. Umumen merküz vilâyetlerde penisya ödemek içün 12,60 mlrd grivna üleştirildi, bu da aylıq ihtiyacnıñ 100 faizidir.

“Ukrpoşta” AŞniñ teşebbüsinen noyabr ayınıñ 30-ına qadar işğalden azat etilgen Herson vilâyetiniñ pensiyacılarına para ödenmeli.

Bir ay boyunca Ukrpoşta Herson şeerine, Herson vilâyetiniñ 77 meskün yerine ve mezkür vilâyetniñ Borıslav rayonınıñ 10 meskün yerine pensiya ketirmege ve ödemege tehnikiy imkânlarını yañıdan yarattı.

İşğalden azat etilgen Bilozerka qasabasında keçken afta Ukraina pensiy fondunıñ hızmet merkezi yañıdan çalışmağa başlad (oktâbr ayından berli Novovorontsovka qasabasında hızmet merkezi çalışa).

Keçenlerde Mıkolayiv vilâyetinde Ukrpoşta Snihurivka şeerine pensiya ketirmege imkân yañıdan yarattı.

Donetsk vilâyetinde Ukraina pensiya fondunıñ ihitsasları, işğalden azat etilgen 16 meskün yerge, şu cümleden Svâtohirsk ve Lıman şeerlerine, mobil olaraq hızmet eteler.

Hatırlatamız ki, küz devamında Harkiv vilâyetiniñ işğalden azat etilgen topraqlarında, şu cümleden Balakliya, İzüm, Barvinkove, Vovçansk, Kupyansk ve Derhaçi şeerlerinde, Çkalovske, Şevçenkove ve Velıkıy Burluk qasabalarında Ukraina pensiya fondunıñ 9 hızmet merkezi yañıdan açtı.