Donetsk vilâyetiniñ Lıman, Siverske, Soledar, Çasovoyarivsk, Bahmut ve Konstântınivka territorial cemiyetleriniñ Minağa qarşı faaliyetler koordinatsiya gruppaları 2022 s. ilk oturışlarını keçirdi.

Körüşüvler vaqtında Koordinatsiya gruppalarınıñ qararlarınen bu sene içün iş planları tasdıqlandı. Bu cümleden, böyle faaliyet yönelişleri tesbit etildi:

• mina ve başqa patlayıcı şeylerniñ telükeleri ve olarnı tapqanda özüni tutuv qaideleri aqqında malümat berüv;
• büyük bölgelerini ve grajdan qorçalama mesleat noqtalarını mina telükesi mevzulı körgezmeli materiallarınen temin etüv;
• umumiy orta tasil yurtlarna mina telükesi oquv qullanmalarını ve körgezmeli materiallarını berüv;
• kerekli programmalarğa köre yerli özidare organlarınıñ hadimlerini oqutuv.

Bundan ğayrı, oturışlarda Reintegratsiya nazirliginiñ vekilleri de iştirak ettiler. Olar, cemiyetlerge Naizlikniñ mina telükesi içtimaiy-gumanitar yönelişinde işi aqqında haber berdiler. Laf, mina ve patlayıcı şeylerniñ telükeleri aqqında malümat berüv ve oqutuv, olarnı tapqanda özüni tutuv qaideleri, zarar körgenlerge yardım etüv ve UNKniñ 2019 s. aprel ayınıñ 17-sindeki №372 qararına mücibi (deñişmelernen) telükeli topraqlarnı belgilemege yardım etüv aqqında edi.

Keçenlerde 2022 s. içün tedbirler planları Donetsk vilâyetiniñ Oçeretın, Krıvıy Riğ ve Çerkası kibi 5 territorial cemiyetinde, ve biraz zaman keçken soñ Slovyansk ve Kramatorsk şeer territorial cemiyetlerinde tasdıqlandı.

2021 s. iyül ayında Donetsk vilâyetiniñ Vugledar territorial cemiyetinde ilk Minağa qarşı faaliyetler meseleleri koordinatsiya gruppasınıñ teşkil etilgenini hatırlatamız.

Reintegratsiya nazirliginiñ planları arasında Donetsk ve Lugansk vilâyetleriniñ bütün cemiyetlerinde Minağa qarşı faaliyetler meseleleri koordinatsiya gruppalalrını teşkil etmektir.