UkrAgroKonsalt şirketi, “Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasını desteklemek içün, Lugansk vilâyetindeki territorial cemiyetleriniñ çiftlik istisalcileri içün iklim deñişikligine mücibi agrobiznesni planlaştıruv aqqında oquv seminarını keçirdi. Seminar, Starobilsk, Biloukrayinske ve Troyitske rayonlarınıñ territorial cemiyetlerinden fermacıları içün keçirildi.

Ukraina AİMAnıñ Suvarılğan ziraatçılıq institutınen ve “Praym Lab Tek” SMŞnen konsortsiumda çalışqan UkrAgroKonsalt şirketiniñ ekspertleri agroistisalcilerge Lugansk vilâyetinde iklim olaraq optimizatsiyalaştırılğan köy hocalığını siñdirüvge dair öz araştırmasınıñ neticelerini taqdim ettiler. Ukrainadaki barışıq inkişafı ve ğayrıdan tiklevi ortaqlarınıñ Maqsat fondu yardımınen mezkür araştırma yapıldı.

“Bölgede artqan sıcaqlıq köz ögnüne alınğanında, boğday, künaylan ve mısırboğdaynıñ daa berimli melez çeşitlerini daa çoq asramağa yerinde olur. Tamam bu, agrarcılar içün çabik deñişken iklim şartlarında kerekli bir çare ola bilir”, – dep Ukraina AİMAnıñ Suvarılğan ziraatçılıq institutınıñ ilim işi direktorınıñ muavini Sergiy Kokovihin qayd etti.

Ekspertler, malümatına köre yatım kritik alda olğan bölgeniñ suvaruv sistemalarınıñ vaziyetini tetqiq ettiler. Çünki şimdi Lugansk vilâyetindeki ükümetniñ nezareti astındaki toprağında 1,7 gektar suvarılmaqta. Bu, bölegde suvaruv topraqlarından on qat azdır.

“Fermacılarğa, hususan sebze ve yemişni asrağanlarğa, bereketni artırmaq içün endi bugün tamçı suvaruvına yatırımlar aqqında tüşünmege tevsiye etemiz, çünki iklim deñişikligi şartlarında tamam bu kelirli olur”, – dep UkrAgroKonsalt şirketiniñ vekili Olga Mozgova ayttı. Lugansk vilâyetiniñ fermacıları içün UkrAgroKonsalt şirketi iklim olaraq optimizatsiyalaştırılğan köy hocalığını inkişaf etüvge dair usuliy ve ameliy tevsiyelerni azırladı. Mart ayınıñ içinde böyle oquv seminarları vilâyetniñ başqa territorial cemiyetleriniñ çiftlik istisalcileri içün keçirilecektir.