Donetsk vilâyetindeki Bahmut rayonınıñ eki mektebiniñ 5-9 sıñıflarda oquğan talebeleri içün Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ mütehassısları mina telükesine dair oquvlarnı keçirdiler.

Laf, Siversk territorial cemiyetinde yerleşken I-III dereceli Siversk tayanğıç tasil yurtu ve Çasiv Yar territorial cemiyetiniñ № 17 Çasiv Yar tayanğıç tasil yurtunıñ Kalınıvka gimnaziyası aqqındadır.

Malümat-añlatıcı tedbirleri vaqtında talebeler patlayıcı şeylerniñ çeşitlerinen tanış oldılar ve insanlarnıñ ayatına ve sağlığına bere bilgen zararnı ögrendiler. Tamam bunıñ içün Reintegratsiya nazirliginiñ mütehassısları diñleyicilerniñ diqqatını mina ve patlayıcı şeylerni tapqanda özüni tutv qaidelerine celp ettiler.

Tedbirlerde 11-15 yaşındaki 130 talebe, bu cümleden Siversk tayanğıç tasil yurtunıñ 103 talebesi ve Kalınivka gimnaziyasınıñ 27 talebesi iştirak etti.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ patlayıcı şeylernen özüni tutuv qaidelerine dair malümat-añlatıcı, teşviqat tedbirlerini muntazam tarzda alıp barğanını hatırlatamız. Bu cümleden, yanvar ayında Donetsk vilâyetiniñ Maryinka territorial cemiyetiniñ mekteplerinde ve Lugansk vilâyetiniñ Lısıçansk territorial cemiyetiniñ oquv yurtlarında mezkür tedbirler keçirildi.