Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk inana ki, ükümetniñ Donetsk ve Lugansk vilayetleriniñ iqtisaidiy inkişaf strategiyası ve biznes içün yataırımlarnı saqlaycaq mahsus imtiyaz şaraitini temin etecek kerekli qanunlar yerine ketirilse yaqın zamanda cebege yaqın rayonlarında tam yaşayışnı ğayrıdan tiklene bilir.

«Ukrainanıñ başqa vilâyetlerinde kibi yaşamaq ve çalışmaq, para qazanmaq ve telükesizlik duymaq. Şimdi Donetsk ve Lugansk vilayetleriniñ sakinleriniñ tamam buna ihtiyacı bar, – dep İrina Vereşçuk ayttı. – Mütehassıslar tarafından azırlanğan, Ükümet tarafından tasdıqlanğan Bölgeniñ iqtisadiy inkişaf strategiyası ve onı yerine ketirmege temin etken qanunlar, mında muvafaqiyetli biznes yapmaq ve iş yerleriniñ sayısını artırmaq ve yaşayış şaraitini yahşılaştırmaq içün daa yahşı imkânlarnı yaratacaq».

Akimiyetniñ vazifesiniñ, cenkniñ deşetli neticelerinde zarar körgen cemiyetlerniñ inkişafı içün imkânlar bermek olğanını qayd etti.

«Mebus korpusınıñ, bölgeniñ iqtisadiy inkişafını ğayrıdan tiklemege yönelgen teşebbüslerini desteklegeninden eminim», -dep İrina Vereşçuk qayd etti.

Bu afta parlament İnsan aqları ve vaqtınca işğal etilgen topraqlarnıñ deokupatsiya ve reintegratsiya meseleleri eyyetiniñ, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ teşebbüsi yardımınen yaratılğan parlamentnen beraber azırlanğan «Donetsk ve Lugansk vilâyetleriniñ prioritetli inkişaf topraqlarında iqtisadiy faaliyet mahsus rejimini kirsetüv aqqında» № 6403 qanun leyhasını bir reyliknen tasdıqlağanını hatırlatamız.