Kelecek afta boyunca Ukrpoşta Harkiv vilâyetiniñ işğalden azat etilgen meskün yerleriniñ sakinlerine pensiyanı ketirip ödemege azır olacaqtır. Sentâbr ayınıñ 10-unda İşğalden azat etilgen topraqlar meseleleri koordinatsiya ştabınıñ oturışınıñ neticelerine mücibi bu maqbul qarar berildi.

Ukrpoştanıñ baş müdiri İhor Smilânskıy haber etti ki, köçüci bölükler Cumaertesi-Salı kününden pensiyalarnı ketirmege başlaycaqtır. Pensiyalarını kartlarğa alğan qart kişilerge dair mesele çezüv basamağındadır. Amma olar da yaqın kelecekte çezeceklerdir. Er kes pensiya alacaqtır.

Bundan ğayrı,  ştabnıñ oturışında işğalden azat etilgen meskün yerlerdeki akimiyet organlarınıñ işi, viran etilgen kritik astyapını (elektrik, gaz, qızdıruv teminatı, alâqa, mesken fondnıñ tamiri) yañıdan quruv, topraqlarnı minasızlaştıruv, içtimaiy ödemelerni ketirüv, gumanitar yardım berüv ceryanları v.b. muzakere etildi.

Hatırlatamız ki, yañı koordinatsiya ştabınıñ esas vazifeler arasında – devlet akimiyeti, yerli öz idare ogranlarınıñ, qanuniy arbiy müessiseleriniñ, uquq qorçalayıcı organlarnıñ ve cemaat teşkilâtlarınıñ işğlalden azat etilgen topraqlarda yaşayış teminatını yañıdan tikleme saalarındaki faaliyetini idare etmektir.

İlk oturışında Koordinatsiya ştabı işğalden azat etilgen topraqlarnıñ sakinlerini keçenlerde işğalden azat etilgen meskün yerlerge qaytmağa aşıqmamağa çağırdı. Çünki birinciden ihtisaslar olarnı teşkermek ve yaşayış teminatınıñ bğtğn sistemalarını yañıdan qurmaq kerekler.