Ukrainanıñ vaqtınca işğal etilgen topraqlarınıñ azat etilmesiniñ mantıqlı devamı, işdeşlikçilerni ve rus vatandaşlarını tutmaqtır. Keçenlerde Harkiv vilâyetlerinde ukrain mekteplerinde rus programmasına mücibi derslerni alıp bergen rus ocaları tutuldı. Ketkende rus orduları olarnı qaldırdılar – tecavuzcılarnıñ ve yardımcılarınıñ tipik areket tarzıdır.

“Vaqtınca işğal etilgen topraqlarğa kelgen ve anda qanunsız faaliyet yapqan çoq rusiye vatandaşı şimdi devletimizniñ topraqlarında buluna. Bunıñ bir cinayet olğanını tenbiyeledik, faqat olar bizni diñlememege qarar berdiler. Cenevre şartnamelerini bozuv, bu cümleden balalarnıñ işğal etilgen topraqlarda olarğa uyğun medeniy adetlerge köre ve tilinde oquvlarına dair, – cenk qanunlarını bozuvdır. Buña da ayrı bir meslüliyet esapqa alınır. İnandıram: rus vatandaşları topraqlarımızdan acele çıqmaslar, mıtlaqa cezalandırılır”, – dep Ukraina vitse baş naziri İrına Vereşçuk bildirdi.

Olarnı işdeşlik içün maküm etmek içün Ukraina vatandaşları olmaylar.

Vitse baş nazir qayd ete: rud ocaları, deñişme içün esirler olaraq qabul etilmeycek, olar işdeşlikçilerdir.

Reintegratsiya nazirligi hatırlata: Ukraina uquq qorçalayıcı organları, ukrain haqlına qarşı bütün cinayetlerini qayd eteler. Qanunsız areketlerge ait olğan er kes unutmamalı ki, makeme ögünde çıqacaqlar ve mıtlaqa cevapkâr olacaqlardır.