Er kün USQ Ukrainanı azat eteler, Harkiv vilâyeti – ileride. Şimdi işğalden azat etilgen bir qaç meskün yer aqqında belli.

Olar, duşman tarafında pek bozuldı. Soñ bilgilerge köre, Harkiv vilâyetinde işğalciler tahminen 11 biñ bina ve medeniy miras obyektini bozdılar. Er şeyni yañıdan qurmaq vaqtı keldi.

Bugün Bölgeler nazirliginiñ teklifinen ükümet taqımı, Harkiv vilâyetiniñ azat etilgen topraqlarda kerekli işlerge bücetniñ yedek fondunda 400 mlj grn üleştirdi.

Bu cümleden, bozulğan binalarnı ve astyapı obyektlerini yañıdan qurmaq, olarnı teşkermek, kapital tamir etmek, uçlarğa qarşı ve konservatsiya işlerini keçirmek içün para ayırıldı.

Yapılmalı olğan işler çoq: pencereler ve qapılarnı qoydurmaq, dam yañidan qurmaq, binalarnıñ ög taraflarını pekitmek, müendis ağlarını (qızdıruv, gaz, elektrik, suv teminatı) yañılatmaq kerek. Er şeyni tez yapılmalı ve endi bu sene bitirilmeli, çünki qış yaqınlaşa.

“İşğalden azat etilgen topraqlardaki insanlarnıñ adiy yaşayışına qaytmaları içün er şey yapmalımız. Bu vilâyetlerni yañıdan qırmaq – bizim esas vazifelerimizden biridir”, – dep vitse baş nazir İrına Vereşçuk qayd etti