Keçenlerde The New York Timeske bağlantınen bir qaç yabancı neşirde, Vitse-baş nazir – Ukrainanıñ vaqtınca işğal etilgen topraqlarınıñ reintegratsiya naziri İrina Vereşçuknıñ adından berilgen yañlış malümat peyda oldı.

Ukraina-Ğarp-Rusiye üçköşeligindeki geosiyasiy munasebetler aqqında maqalede müellifler, İrina Vereşçuknıñ telekanallardan biriniñ canlı yayınında söylegeni sözlerine atıf eteler. Emiş İrina Vereşçuk, Ukrainanıñ NATOğa qatılmanı imkânsız alına ketire bilecek bir referendum keçirme imkânı aqqında haber etti.

Faqat başqa kontekstte söylegeni Vitse-baş nazirniñ ibaresiqullanıldı. Alıntı: «Prezident, başqa variantlar ya da aletler olmasa, bunıñ imkânı olacağını ihtimal bere» – Minsk añlaşmalarına dair referendumnı ola bilecek gipotetik keçirüvnen bağlı edi.

Referendumnıñ, Ukrainanıñ NATOğa qatılmağa red etmesine ola bilgen tesiri aqqında tezis, Vitse-baş nazirniñ fikri degil, tek neşirniñ telqin etmesidir.

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ Ukrainanıñ NATOğa qatılmasına dair nazar noqtası deñişmez qalmaqata: Ukraianıñ strategik kursı tesbit etildi ve Konstitutsiyada pekitildi – devletniñ Avropa Birliginiñ ve NATOnıñ tam uquqlı azası olması.

Yayınlanğan yañlış malümatqa qaytıp aşağıdaki şeyler qayd etemiz.

Bugün devletimiz, dünyanıñ eñ esas haber bericilerinden biridir. Yabancı jurnalistlerni faktlarğa ve ihtisasiy gigiyenağa daa cevapkâr ve diqqatlı olmağa çağıramız.

The New York Times, yañlış malümatnen maqaleni tarir etmeli ve onıñ adına işanaraq mezür malümatnı teşkermeyip basqan bütün KHVne tarir aqqında haber etmeli

Böyle yañlış malümatnıñ tek muayyen KHVnıñ imicine qarşı çalışmaylar, em de Rusiyeniñ tecavuzınıñ şiddetlendirilmesi neticesinde endi zor olğan vaziyetni yaramaylaştırğanını hatırlatamız.