Bugün telekanallardan biriniñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

İrina Vereşçuknıñ sözlerine köre, şimdi «Minsk»niñ siyasiy parçasını yerine ketirmege mecbur etmek maqsadınen Rusiye, ukrain akimiyetine ve cemaatımızğa basmaq içün bütün aletlerni qullanır. Aynı zamanda ukrain tarafınıñ telüke şaraitini yerine ketirmege arız olğanını faqat Rusiyeniñ bunı yapmağa istemegenini qayd etti.

«Bugün ÜTKGnda telüke gruppasınıñ acele oturışını davet ettik, ve o mıtlaqa kerçekleycek.ATİT, Ukraina ve RF ateşni bitirüv aqqında laf etecekler. Onı bitirüv aqqında tefsirimniñ optimistik olacağına ümüt etem», – dep o qayd etti.

Daa İrina Vereşçuk, Devlet dumasınıñ qararı olaraq formal tarzda desteklengen ve RFnıñ Prezidenti Volodımır Putinniñ kelişilmesi ve tasdıqlanmasına yönelgen «LHC» ve «DHC» degenlerni tanıma ğayesine dair fikirlerini añlattı.

«Bu alda parlamentimiz, vaqtınca işğal etilgen topraqlarda bulunğan insanlarğa ukrain Ükümetiniñ nezareti astındaki topraqlarına köçmege yardım ete bilir. Bunıñ içün yahşı şaraitni yaratmaq kerek. Bu cümleden, o topraqlardan ukrain yüksek tasil yurtlarına kirgen balalarnıñ bunı eñ qısqa zaman içinde ve zorluqsız yapmaları içün vaqtınca işğal etilgen topraqlarında qazanğan tasil ihtisasını tanıma sistemasını tasdıqlamaq kerek. Daa farqlı vastasınen – lizing ve kredit programmaları yardımınen devlet içinde alınğan kişiler içün mesken qurmaq kerek. Ve söylegenim er şey qnunlar boşuğında şekillendirir. Bu rus boyundırığından qurtulmağa istegen insanlarnıñ bu fırsattan tam olaraq  faydalanmaları içün mında qanun çıqarıcı pek çabik ve keyfiyetli çalışmalı. Biz ise, Ükümet kibi, bütün kererkli qanun leyhalarını azırlaycaqmız, yollaycaqmız ve rey bermege soraycaqmız», – dep hulâsa çıqardı.