Cenkten soñ şimdi devletimizniñ işğal etilgen topraqlarında zor bir miras: viran etilgen astyapı, işsizlik, on biñlerce kvadrat kilometrlik mınalaştırılğan topraq qalacaq. «1+1» kanalınıñ «Akimiyet aqqı» pogrammasınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, bu rayonlarda tam olaraq yaşayışnı ğayrıdan yaratmaq içün çoq vaqıt ve akimiyetniñ azırlaycağı muayyen bir strategiyanıñ kerekli olacağını hatırlattı.

«Bu bölegelrniñ 20-30 sene soñ nasıl olacağını tüşünmek kerekmiz»,- çıqış yapqanda dep İrina Vereşçuk qayd etti.

Vaqtınca işğal etilgen topraqkarınıñ yañıdan qurma etapınıñ nege esaslanaycağını haber etti.

«Dünyanıñ çatışuvdan soñ tertipleme tecribesi bar. Bu devir vaqtında bütün zor allar, insanlarnı birleştirgen er şey: til ve tarih meseleleri – muzakere etilmez. Birinciden insanlar içün şaraitni yaratmaq kerekmiz, çünki Ukrainanıñ toprağı, dünyanıñ eñ çoq minalaştırılğan toprağıdır. Onıñ umumiy meydanlığı 17 biñ km2dir»,- dep Vitse-baş nazir malümat berdi.

Aynı zamanda o qayd etti: bugün eñ müim – ateş açqanda, duşman bala bağçalarına ve mekteplerge ateş açqanda ayat ve ölüm meseleleridir. Ne Qırımızı Haçnıñ, ne de ATİTniñ közeticileriniñ bu topraqlarğa irişimi bar.

İrina Vereşçuk, Cuma künü, ukrain delegatsiyasınıñ teşebbüsinen Üç taraflı kontakt gruppasınıñ ve telükesizlik meseleleri iş gruppasınıñ mesleatınıñ nevbetten tış oturışınıñ acele olacağını haber etti.

«Ateşni toqtatuv aqqında añlaşmağa devam etecekmiz!» – dep İrina Vereşçuk bildirdi.