Lugansk vilâyetiniñ cebege yaqın bölgelerine iş ziyaretiniñ neticelerine köre Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Yuqarı Şuranıñ, USQniñ reberliginiñ ve yerli akimiyetniñ vekillerinen beraber brifingde iştirak etti.

İrina Andriyivnanıñ tedbirde söylegeni müim meseleler arasında keçenlerde RFnıñ yapqanı gibrid malümat ücümleriniñ sayısınıñ artırılmasıdır. Daa şimdi Ukrainanıñ Şarqında olğan vaqialarnıñ obyektiv olmağan tarzda aydıntılmasıdır. Bu mevzu, ATİTnıñ Nezaret monitoring missiyasınıñ (NMM) faaliyetinen doğrudan-doğru bağlıdır.

“ATİTnıñ NMMnıñ anda bulunğan onlarca balalar deyerli ölgenleri Stanıtsâ Luganskadaki «Kazka» bala bağçasını ateşke tutuvğa dair obyektiv olmağan tarzda malümat bergenini tesbit etemiz. Bu cümleden, ATİTnıñ esabatında askerlerimizniñ nezaret missiyasına irişim bermemesi ve onıñ bala bağçasını ateşke tutma neticelerini körip olmaması aqqında aqiqiy olmağan malümat peyda oldı. Demi juranlistlernen anda edik, bala bağçasınıñ müdirinen laf ettik ve anda irişimniñ tam ve lafsız olmağanını açıqça kördik”, – dep İrina Vereşçuk kerçek vaziyetni añlattı.

Daa o, Ukrainanıñ, daa soñ halqara makemelerde uquqiy baqılacaq Rusiye Federatsiyasınıñ bozmalarını qayd etüv, toqtamağan yaki 24/7 formatında ATİTnıñ alğanı mandatqa mücibi olması kerekligini qayd etti.