Vitse-baş nazir İrina Vereşçuk, halqara cemaatqa ve yabancı mediağa, RFnıñ tecavuzı neticesinde Ukrainada  kerçekten ne olğanını bütün dünyağa añlatmağa ve köstermege muracaat etti. 

Bu cümleden laf, işğalcilerniñ Ukrainadaki olğan insanlarğa qarşı biñlerce cinayet ve rus ordusınıñ işğal vaqtında aqiqiy telâfeti aqqındadır.

İrina Vereşçuk, şimdi Reintegratsiya nazirliginiñ RFnıñ cinayetlerini qayd etkenini, umumiyleştirgenini ve Baş prokurorlıqqa bergenini haberdar etti. RF bu cinayetler içün bütün dünya ögünde cezasını çekecek.

O, ruslarnıñ hrestomatiyalı tarzda areket etkenini añlattı. Bu cimayetleri: mesken kvartallarğa ve bala bağçalarına, hastahanelerge ateşler vastasınen qarşılıq serbestligimizni bozmağa tırışalar, çünki grajdanlar ölgende daa ağır bir vaziyet ola. Faqat bunıñ yerine ukrainler gruppalaştırıp birleştireler ve duşmanğa degerli qarşı çıqalar, dep İrina Vereşçuk hulâsa çıqardı.

«Prezident Volodımır Zelenskıy, Gaagadaki Halqara cinaiy makemege muracaat etti. Pek ümüt etem ki, dünya cemaatı bu ğaddarnıñ ukrain qadınları, balalarınen ve zarar körgen er kesmen ne yapqanını kerçek zamanlı olaraq köre!», – dep memur bildirdi.

O, işğalci öz cinayetleri içün cezasını çekegecine eminligini bildirdi.

Halqara seviyede yayınlanmağa kerekli olğan daa bir mevzu rus ordusınıñ aqiqiy telâfet haritasıdır.

«Ruslar, öz toprağında bu aqqında laf etmege qorqalar. Media ise, biñlerce öldürgen rus vatandaşınıñ, rus askerleriniñ ukrain topraqlarında taşlanğan ve kömmegen qalğanını aydınlatmaylar», – dep İrina Vereşçuk añlattı.

O, Halqara Qırmızı Haçnı, öldürgen rus askerleriniñ bedenlerini Ukrainadan ketirmege yardım etmege daa bir kere çağırdı. Halqara gumanitar aqqa mücibi olarnı qorantarına bermek içün.

«Olarnı bütün Ukraina boyunca toplaymız. Biñlerce, olar toprağımızda tarqatıldı. Biz bir “orda” degilmiz, biz askerlerimiz Kıyıv Rusunıñ ecdatlarımız, cesetler üzerinde qılınmaymız. Bu meseleni çezmege yardım etmesi içün Qırmızı Haçqa muracaat ettik», – dep İrina Vereşçuk hatırlattı.

«Bütün halqara cemaatnı, bütün medialarnı çağıram: lütfen, em Ukraina, em de bütün dünya içün Rusiyeniñ ne olğanını kösteriñiz! Er kes körsin», – dep o qayd etti.