Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini – DAK meseleleri vekili Pavlo Kozırev Vaqtınca işğal etilgen Qırım MC ve Aqyar şeeriniñ işğalinden azat etme ve reintegratsiya strategiyasınıñ yerine ketirilmesi içün tedbirlerniñ vaziyetini añlattı. Ukraina Yuqarı Şurasınıñ insan aqları, Ukrainanıñ vaqtınca işğal etilgen topraqlarınıñ azat etilme ve reintegratsiya, milliy azlıqlar ve halqara munasebetler meseleleri eyyeti bu diñleme keçirdi.

Şu anda Reintegratsiya nazirligi rusiye federatsiyasınıñ silâlı tecavuzı neticesinde devletke, şahsiy ve uquqiy kişilerge ketirilgen zararlarnıñ sicilini şekillendire.

Daa Qırım ve Aqyar şeeriniñ sakinleriniñ işğal vaqtınca Ukraina pasportınıñ vaqtında olmağan alması içün cevapkârlıqnı yoq etmege tekilf etken qanun leyhası azırlana.

Bundan ğayrı, online servis belki de yaratılır:

·        rf, işğal memuriyeti tarafından qanunsız olaraq azatlıqtan marum etilgen ukrainalılar ve aileleriniñ azalarınıñ bir kerelik para yardımını ya da uquqiy yardım içün para almaları içün ariza bermek içün;

·        tamır halqlarınıñ tillerini ögrenmek içün (mektep programmasına mücibi);

·        ekimnen deklaratsiya imzalamaq ve VİETda yaşağan Ukraina vatandaşlarnıñ ekimnen mesleatlar almaları içün.

Hatırlatamız ki, Qırım MC ve Aqyar şeeriden devlet içinde alınğan kişilerniñ başqa köçip kelgenler kibi para yardımına aqqı bar.