Keçenlerde haberdar etilgeni kibi, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleri – Nazirniñ muavini Oleksiy Boroday ve Milliy malümat bürosınıñ müdiri Oleksandr Smirnov – Baltiya ülkelerinde bulunalar.

Vitse baş nazir İrına Vereşçuknıñ emrinen olar rfnıñ sürgün etkeni vatandaşlarımıznıñ, rf ve üçünci devletleriniñ sıñırlarından Ukrainağa ketken VİETnıñ sakinleriniñ evlerine qaytarılmasını teşkil eteler.

Bugün ukrain mebusları Latviya ziyaret ettiler – ukrainalılarnı evlerine qaytarmaq içün naqliyat yollarını azırlay ediler.

Olar Brunişevo – Pededze, Burakçi – Terehovo, Ubılinka – Hrebneva, Ludonka – Viyentuli keçit noqtalarını ziyaret etip logistikanıñ teşkil etilmesinen tanış oldılar. Litvaniya, iş ziyaretiniñ kelecek noqtası olacaq.

Hatırlatamız ki, “Ukraina 24” telekanalındaki tek malümat marafonınıñ canlı yayınında Vitse baş nazir İrına Vereşçuk, sürgün etilgen ukrainalılarnıñ naqliyat (Baltiya ülkeleri ya da diger ülkelerden) koridorını qullana bilmelerini hatırlattı. Em de VİETnıñ sakinlerini ve rfna sürgün etilgen ukrainalılarnı, Ükümetniñ nezaretindeki toprağına ketmeleri içün mümkün olğan er bir imkânnı qullanmağa çağırdı.