Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, rus Silâlı tecavuzından eñ çoq zarar körgen vatandaşlarğa yardım etmesi içün şimdi yerli ve merkeziy akimiyetniñ nasıl çalışqanını añlattı. Olarğa azıq malları, ilâçlar ketirilir, kabel ve başqa ağlar ğayrıdan tikilir. Er kün tınç yaşağan ealini tahliye etme işi devam etmektedir. Aynı zamanda Rusiye, halqara aqta tesbit etilgen telükesizlik koridorlar aqqını qullanmağa imkân bermey.

Telâşlanmayıñız: kimse bunı unutmaycaq!

“Akimiyet ve göñülliler, ayatlarını muhatarağa atılaraq, bunı yapalar, daa olar qarşıqlıq areket gruppalarını yaratalar. Yani, er kün müim iş yapılmaqta. Elbette, şimdi  sıcaq adlandırğanımız er bir yerde yapılmaqta”, – dep İrina Vereşçuk qayd etti.

O, şimdi duşman ortalığında ya da qıyın telüke vaziyetinde bulunğanlarğa ö arbiy-grajdan memuriyetlerine, arbiy olğan da rayon, şeer ve vilâyet memuriyetlerine muracaat etmege tevsiye etti. Olar, er şeyni qayd eteler ve tahliyeniñ nasıl teşkil etilecegine dair qayda, qaysı demir yol stantsiyasına ketmek kerek, tren qaydan ketecek kibi malümat bereler. Yani, öz AGMniñ saytına baqmadan ve telâşlanmamaq kerek, çünki kimse iç bir kışını unutmaycaq.

“Eñ müim şey, yerlerde böyle taşınmalarnı teşkil etken insanlarnen bağ tapmaqtır. Biz ve taşıyıcılar olarnen kommunikatsiya etemiz”, – dep memur qayd etti.

Bütün dünya siziñ tarafıñızdadır

Reintegratsiya naziriliginiñ reberi jurnalistlerge, olarnıñ qıyın işi içün teşekkür bildirdi.

“Bizim, hususan siziñ işiñiz yardımınen, malümat cebesinde ğalip etekenimizden ayrette qalam. Böyle muvafaqiyet, cenkniñ bütün sekiz senesi devamında olmadı. Dünyanıñ bizni nasıl desteklegeninden! Aktörlar, muzıkacılar, sportçular – er kes bizim tarafımızdadır. Daa bu, aqiqatnı (mında kerçekten ne olğanını) añlatqan justalistlerimizniñ işi yardımınen yapılamaqta. Em de kiberboşluğında ğalip etemiz: Ukraina içün kiberordularınıñ küreşmesini er kes kördi. Topraqta ğalip etemiz, yaqın zamanda da avara ğalip etecekmiz. Yañı “hayalet” tek Kıyıvnıñ avasında degil de, öz uçaqlarını alalar ve biz tam ğalip etecekmiz!” – dep İrina Vereşçuk eminligini bildirdi.