Rusiye, Ukrainanıñ vaqtınca işğal etilgen topraqlarınıñ çoqusında yaratqanı telükeli gumnaitar vaziyet vaqtında, içki seyircileri içün “barıştırıcı” obrazını şekillendirmege tırışa. Böylece, Hersonda internet ve stabil mobil bağı yoq, işğalciler rus telekanallarını yayınlaylar ve suniy “gumanitar tedbirler”ni keçirmege ve atta rus mitinglerini toplamağa tırışalar. Aynı zamanda “mitingciler” Qırımdan çıqarıla.
“Bahtına, mitingler olmadı, biz yerlilerni vaqtından evel haberdar ettik. Bunıñ yerine avtomatlarnı doğrultqanlardan qorqmayaraq, insanlar ukrain bayraqlarınen meydalarğa çıqtar. Şeercilerni inandırmağa isteyim: Herson, insanlarnı eñ tez tarzda tahliye etecegimiz cedveldedir. Amma Rusiye Hersonda bu ceryannı başmalağa daa izin bermey”, – dep Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk gumnaitar vaziyetni tefsir etti.
Şimdi Mariupolda vaziyet biraz yahşıca. Qırmızı Haçnıñ Halqara eyyeti, Ukrainadan rus tarafına resmiy mektüpni bermege razı oldı. Belli ki, Ukrainanıñ ve RFnıñ delegatsiyalarınıñ Bilovezka Puşçadaki aytışmaları vaqtında bir qaç gumanitar koridorlarnı teşkil etüv aqqında añlaşıldı. Mariupol, prioritetli olaraq şeege kirsetildi.
“Şimdi em halqara ortaqlarımızğa, bu cümleden AFCniñ kantsleri Olaf Şoltsnıñ qoyğanı küç-quvetlerine, prezidentimizniñ BMTnıñ baş kâtibinen lafına, em de reberinen nazir Denıs Şmığalnıñ qonuşqanı Qırmızı Haçqa işanamız. Serbest dünyanıñ liderlerine muracaat ettik ve gumanitar koridorlarnı açma işini sistemalı yapmağa tırışamız. İşdalden tek qadınlar, balalar ve qartlarnı alıp çıqmağa isteymiz. Bizim ve dünya cemaatınıñ Rusiyege basmamız içün і onıñ tahliye koridorlarını teşkil etmesi içün biraz vaqıt kerek”, – dep İrina Vereşçuk qayd ete.
Yaqın zamanda RF ve Ukraina arasında aytışmalarnıñ nevbetteki, üçünci raundı olacaq. İrina Vereşçuknıñ fikrince, gumanitar koridorlar şimdi teşkil etilip olmasa vaziyet, aytışmalarnıñ nevbetteki raundınıñ keçirilmesine tesir ete bilir.
“Eger cenk qaideleri ve adetlerine köre gumanitar koridorlar kibi başqa meseleler çezip olmaysaq, ve kelecekte ne aqqında laf etecekmiz? Ve Rusiye bunı pek yahşı añlay. Endi ne yapacağımıznı bilemiz, bizim muayyen tahliye koridorlarınıñ marşrutları bar”, – dep Reintegratsiya nazirliginiñ reberi vaziyetni tefsir etti.
O qayd etti: eger Qırmızı Haç öz missiyasında başarılı olsa ve Rusiye lokal olaraq bir vaqıt içün ateş qapatsa, – insanlarımıznı felâketten alıp çıqa bilecekmiz. Bu olmasa, tecavuzcığa qarşı sanktsiyalarnı şiddetleştirilmeli olacaq.