Brifing vaqtında Vitse-baş nazir İrina Vereşçuk bunı resmen haber etti.

«Saat 11:45te işğalciler qıyın silâlarnı qullanaraq ateş açtılar. Bilgeniñiz kibi mart ayınıñ 5-inde saat 9da Volnovaha ve Mariupol şeerlerinden eki gumanitar koridorlarnı teskil etmemiz aqqında añlaşmalarımız bar edi. Rusiyeniñ Qırmızı Haçnıñ Halqara eyyetiniñ vastalığınen bile añlaşmalarnı bozıp Volnovaha şeerini ateşke tutqanını tesbit etem. Daa Mariupol – Zaporijjâ yönelişinde, Mariupoldan Zaporijjâğa kolonnanıñ areketine imkân bernegen Poloğı-Orihova bölgesindeki ateşler bar», – dep bildirdi.

İrina Vereşçuk, balalarnıñ, qadınlarnıñ ve qartlarnın meskün yerlerden ketmege bilmeleri içün rus tarafına ateşlerni qapatmaq ve gumanitar koridor sıralarını teşkil etmege imkân bermek talabınen muracaat etti.

«Daa rusiye federatsiyağa, Dnipro ve Zaporijjâdan ilâçlar ve azıq mahsulatınen gumanitar yüklerni yollamağa imkân bermesi içün muracaat etemiz», – dep Vitse-baş nazir qoştı.