Ukrain akimiyeti halqara teşkilâtlarnen, hususan Qırmızı Haçnıñ Halqara eyyetinen muntazam ve şiddetli aytışmalar keçirmekte. Ve gumanitar aqqa mücibi tınç yaşağan vatandaşlarımız içün eñ ağır küreşler yerlerinden tahliye koridorlarını teşkil etmek maqsadınen rus akimiyetine muracaat ete. Ceryan pek zordur, rus tarafı mecburiyetlerini er vaqıt degil yerine ketire ve zemaneviy medeniyetke uyğun gumanizm printsiplerine riayet etmey.

Böyle, ukrain neşirlerinden birine tefsir etkende Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk şimdiki rus-ukrain cenki sebebinden eñ ağır küreşler yerlerinden tahliye koridorlarını teşkil etme işiniñ şimdiki alı aqqında añlattı.

İrina Vereşçuk, mezkür aytışmalarnıñ toqtamağan tarzda devam etkenine inandırdı. Bazı muvafaqiyetlerimiz bar, amma qadınlar, balalar ve qartlarnı tahliye etmek yolunda er vaqıt manialar peyda ola. Misal içün, Mariupol, hususan tahliye avtobuslarınen dopo, Kıyıv bilâyetindeki İrpin yanındaki demir yol toqtamağan tarzda ateşke tutulmaqta, Volnovahağa yoldaki köpür viran etildi. Bütün bu areketleri sebebinden planlarımıznı ve marşrutlarımıznı deñiştirmege mecbur edik.

“Gumanitar koridorlarsız er bir kün – grajdan vatandaşlarnı qurtarmaq içün coyulğan bir fırsattır. Ve biz bunı pek yahşı añlaymız”, – dep Reintegratsiya nazirliginiñ reberi qayd ete.

Şimdi tahliyeniñ paytahtnıñ civarı zonasından planlaşqanı aqqında daa doğru malümat berdi. Daa Summı, Harkiv ve Hersondan koridorlar azırlanmaqta. Şimdi arbiy memuriyetlerniñ, USQniñ, FVDHniñ işdeşlik mehanizmi azırlanmaqta. Mında böyle koridorlarnı teşkil etkende bitaraf aracı olaraq Qırmızı Haçnıñ rolü pek müimdir. Ve eñ qıyın ise – eñ qıyın irişilgen ateş qapatma rejimidir. Şimdi ukrain akimiyeti tamam bu mesele üzerinde çalışmaqtadır.