“Cemaat televizionı” canlı yayınındaq Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı bildirdi. Onıñ sözlerine köre, bugün mart ayınıñ 10-unda gumanitar koridorlernen vaziyet qıyın, amma keçenlerge köre bir yahşıca qala.

«Yazıq ki, Rusiyeniñ reddi sebebinden Volnovaha – Pokrovsk tahliye marşrutını açamadıq, – dep Vitse-baş nazir hulâsa çıqardı. – Amma Mariupol – Zaporijjâ koridorınen vaziyet eñ yaramaydır. O vastasınen iç bir insan tahliye etilmedi. Saba Mariupoldan Zaporijjâğa insanlarnen avtobuslar çıqtı. Amma keri qaytmağa mecbur oldı, çünki duşman gumanitar koridor areketiniñ marşrutını ateşke tuta».

«Üç yüz biñ sakin suv, azıq mahsulatı ve ilâçlarnı alamadı, – dep İrina Vereşçuk daa doğru malümat berdi ve qoştı ki, “anda suvsuzlaştırma neticesinde bala öldi”».

Müessiseniñ reberi qayd etti ki, Mariupolğa yardım etmek içün bütün dünyağa muracaat etmege mecburdır.

«Çünki anda kerçek gumanitar felâkettir. Ne suv, ne ilâçlar, ne de azıq mahsulatı bir qaç kün devamında total ateşler astında olğan insanlarğa ketirildi. İnsaniyetke qarşı bu cinayetniñ eñ yüksek halqara seviyede baqılamsına ümüt etem», – dep qayd etti.